Lamb

Lamb.

Lamb er afkvæmi sauðkindar (fræðiheiti: Ovis aries) . Lambakjöt er algengt hráefni í matargerð um allann heim.

Á Íslandi er lambakjöt eitt vinsælasta kjöt til almennrar neyslu. 74% Íslendinga telur lambakjötið vera þjóðarrétt íslendinga.

Lambakjötið er eina íslenska afurðin sem hefur fengið PDO- merkingu frá Framkvæmdastjórn Evrópusambandsins. Samkvæmt Evrópusambandinu eru einkenni íslenska lambsins:

Villibráðarbragð, mjúkt og óseigt kjöt, há gildi GLA-sýru, hlutfall omega-3 fitusýru í fosfórlípíðum er 16% og hátt hlutfall járns og B-vítamíns í kjötinu. Lömbin eru alin upp í frjálsri beit fram á haust og allt fæði er upprunnið á íslandi, en 2016 var erfðabreytt fóður í íslenskri sauðfjárrækt bannað.

Markaðsráð kindakjöts Icelandic lamb fengu afurðarheitið "Íslenskt lambakjöt/ Icelandic Lamb" skráð sem verndað afurðaheiti í íslenskum lögum árið 2018. Síðan þá hafa verið gerðar rannsóknir á skoðun bæði íslendinga og erlendra ferðamanna á íslensku lambakjöti og merki Icelandic Lamb má finna víða á veitingahúsum og í sérverslunum.

Orð tengd lömbum

• fjallalamb (einnig nefnt graslamb eða fráfærna- eða fráfærulamb) er lamb sem gengur móðurlaust á fjalli; þau lömb sem eru látin eftir hjá móður sinni nefnast dilkar
• gimbrarlamb er kvenkyns lamb, en getur líka merkt lamb undan vetrargamalli á.
• hagalamb (eða hagfæringur) er móðurlaust lamb sem gengur í heimahögum.
• heimalningur (heimagangur eða innlamb) er móðurlaust lamb sem er alið heima á bæ.
• hundapísl er stundum haft um mjög smávaxið lamb (en einnig börn eða annað ungviði).
• karilamb (stundum einnig kjúklingur) er nýfætt lamb.
• lambadrottning er haft um gimbur sem fæðist fyrst lamba tiltekið vor á bænum.
• lambakóngur er hrútlamb sem fæðist fyrst lamba tiltekið vor á bænum.
• lambhrútskettlingur er agnarsmár lambhrútur.
• lambhrútur er karlkyns lamb.
• lambköttur er smávaxið lamb.
• megða er lítið lamb.
• meltingur er lamb sem hefur drepist í móðurkviði.
• ótyrmi er lamb sem dafnar illa.
• réttalamb er fyrsta lamb sem slátrað er að hausti.
• undanflæmingur er lamb sem hefur flæmst undan móður sinni.
• öræfaköttur (eða öræfakettlingur) er smávaxið lamb sem gengur (lengst) inni á afrétti.

  Þessi landbúnaðargrein er stubbur. Þú getur hjálpað til með því að bæta við greinina.