Innlimun Rússlands á Krímskaga
Innlimun Rússlands á Krímskaga átti sér stað í í kjölfar úkraínsku byltingarinnar 2014. Á skaganum, sem tilheyrði Úkraínu, eru um helmingur manna af rússnesku bergi brotinn. Í febrúar 2014 var ný ríkisstjórn mynduð í Úkraínu sem óskaði nánari tengsla við Evrópusambandið, en fyrri ríkisstjórn lagði áherslu á samskipti við Rússland. Ýfingar á milli Evrópusambandssinna og þeirra sem styðja Rússland brutust út. Ómerkt herlið hertók Krímskaga, en Rússar sögðu þetta vera heimavarnarlið skagans. Stuttu síðar framkvæmdu Rússar hernaðaríhlutun á skaganum.
Undir stjórn Rússa fengu íbúar skagans að kjósa um það hvort þeir vildu tilheyra Rússlandi eða Úkraínu eða stofna sjálfstætt ríki og voru úrslit kosningana þau að meirihlutinn valdi að tilheyra Rússlandi. Í Rússlandi telst hann eftir þessar kosningar jafnt sjálfsstjórnarsvæði sem er lýðveldi.
