Karen Knútsdóttir
Karen Knútsdóttir (f. 4. febrúar 1990) er fyrrum íslensk handknattleikskona sem lék lengst af með Fram og íslenska landsliðinu.
Karen lék með Fram alla yngri flokka og varð snemma einn af lykilmönnum meistaraflokks. Hún varð Íslandsmeistari með liðinu árin 2018 og 2022 og bikarmeistari í fjórgang, árin 2010, 2011, 2018 og 2020. Árin 2010 og 2022 hlaut hún nafnbótina Íþróttamaður Fram.
Á árunum 2011 til 2017 lék Karen sem atvinnumaður erlendis, fyrst með Blomberg-Lippe í Þýskalandi 2011-13, þá SønderjyskE í Danmörku 2013-14 og loks með Nice í Frakklandi 2014-17.
Hún lék 106 landsleiki og skoraði í þeim 371 mark. Hún lék með landsliðinu á EM 2010 og 2012 og HM Í Brasilíu 2011.
Eftir bikarúrslitaleik Fram og Hauka, þann 1. mars 2025, tilkynnti hún þá ákvörðun sína að leggja skóna á hilluna þar sem hún ætti von á sínu þriðja barni.[1]
Karen er dóttir Knúts G. Haukssonar fyrrum formanns HSÍ.