Kýros mikli
Úr Wikipediu, frjálsa alfræðiritinu
Kýros mikli, einnig þekktur sem Kýros eldri,[1] (um 600 f.Kr. eða 576 f.Kr. – 530 f.Kr.) var fyrsti konungur Persaveldis og stofnandi þess. Hann var sonur Kambýsesar 1. af akkæmenísku ættinni. Kýros ríkti í 29 eða 30 ár. Á valdatíma hans lagði Persaveldi undir sig nær allar þjóðir í Miðausturlöndum, mikið af Suðvestur-Asíu og Mið-Asíu, frá Egyptalandi og Hellusundi í vestri til Indus-fljóts í austri. Veldi hans var stærsta heimsveldi sögunnar á hans tíma.[2] Kýros virti hefðir og trúarbrögð þeirra landa sem hann lagði undir sig.
Tilvísanir[breyta | breyta frumkóða]
Heimildir[breyta | breyta frumkóða]
- Kuhrt, Amélie. The Ancient Near East: C. 3000-330 BC (London: Routledge, 1995).
Þetta æviágrip sem tengist fornfræði og sögu er stubbur. Þú getur hjálpað til með því að bæta við greinina.
