Jazzhátíð Reykjavíkur

Jazzhátíð Reykjavíkur hefur verið haldin á hverju ári frá því árið 1990 (fyrst hét hún Norrænir útvarpsdjassdagar). Hátíðin er ein elsta tónlistarhátíð landsins en haldið var upp á 30 ára afmæli hátíðarinnar árið 2020 í skugga covid. Hátíðin er stærsti viðburður fyrir jazztónlist á Íslandi og margir innlendir tónlistarmenn koma þar fram. Markmið hátíðarinnar er að kynna jazztónlist og bjóða fólki að heyra í góðu umhverfi bestu jazztónlistina sem verið er að semja bæði á Íslandi og erlendis.