Iceland Parliament Hotel

Iceland Parliament Hotel
Staðsetning	Thorvaldsensstræti 2–6

Iceland Parliament Hotel, Curio Collection by Hilton, er 163 herbergja hótel staðsett við Thorvaldsensstræti í miðborg Reykjavíkur, rétt við Alþingi. Hótelið er rekið af Iceland Hotel Collection by Berjaya í gegnum sérleyfissamning við Hilton Worldwide. Hótelið samanstendur af sjö endurbyggðum og nýjum byggingum. Þrjú af aðaltorgum gamla Reykjavíkurbæjar umkringja bygginguna, Austurvöllur í austri, Ingólfstorg í norðri og Víkurgarður í vestri.

Upphaflega var áætlað að hótelið yrði opnað árið 2018, en byggingartími lengdist sökum byggingatafa og vegna COVID-19-faraldursins. Þessar tafir urðu til þess að hótelið opnaði 27. desember 2022, nærri 5 árum á eftir áætlun.

Á hótelinu er að einnig að finna veitingastað, bar, SPA, ráðstefnu- og fundarsali, ásamt stóru viðburðarrými í gamla sjálfsstæðissalnum.

Arkitektúr

Hótelið samanstendur af sjö byggingum. Þar á meðal eru fyrrum höfuðstöðvar Pósts og Síma (Landssímahúsið) og gamli Kvennaskólinn. Öðrum nýbyggingum var bætt við, bæði til að tengja eldri byggingar, ásamt því að bæta við aðstöðu hótelsins.

Framkvæmdadeilur

Árið 2017 komu upp deilur vegna framkvæmdanna þegar breyting á deiliskipulagi til stækkunar hótelsins var samþykkt, þar sem byggja mátti við Landssímahúsið og inn í Víkurgarð á norðausturhlið hússins. Sóknarnefnd Dómkirkjunnar lagði fram kæru til ríkissaksóknara þar sem byggingin myndi þá ná yfir gamlan kirkjugarð.