Hljómsveit Þorsteins Guðmundssonar - Bréfið hennar Stínu

Úr Wikipediu, frjálsa alfræðiritinu
Jump to navigation Jump to search
Bréfið hennar Stínu
Forsíða Hljómsveit Þorsteins Guðmundssonar - Bréfið hennar Stínu

Bakhlið Hljómsveit Þorsteins Guðmundssonar - Bréfið hennar Stínu
Bakhlið

Gerð SG - 543
Flytjandi Hljómsveit Þorsteins Guðmundssonar
Gefin út 1970
Tónlistarstefna Dægurlög
Útgáfufyrirtæki SG - hljómplötur

Hljómsveit Þorsteins Guðmundssonar er 45 snúninga hljómplata gefin út af SG - hljómplötum árið 1970. Á henni flytja Hljómsveit Þorsteins Guðmundssonar fjögur lög.

Lagalisti[breyta | breyta frumkóða]

  1. Bréfið hennar Stínu - Lag - texti: Heimir Sindrason - Davíð Stefánsson Hljóðdæmi 
  2. Snjómokstur - Lag - texti: -
  3. Vakna Dísa - Lag - texti: -
  4. Ekkert jafnast á við dans - Lag - texti: -

Bréfið hennar Stínu[breyta | breyta frumkóða]

Ég skrifa þér með blýant, því blek er ekki til,
og blaðið það er krypplað, og ljósið er að deyja.
En þegar þú færð bréfið, þá veistu hvað ég vil,
og veist að ég er heima, og í náttkjól meira að segja.
Ég svík þig ekki vinur og sendi þetta bréf
til að sýna þér að ég er hvorki hrædd við þig né gleymin.
Til að segja, til að segja, til að segja að ég sef,
undir súðinni að norðan, ég er svo voðalega feimin.
Í guðsbænum þú verður að ganga ósköp hljótt,
og gæta vel að öllu, hvort nokkur fer um veginn.
Læðstu inn um hliðið þegar líða fer á nótt,
og læðstu upp að húsinu eldhúsdyramegin.
Beint á móti uppgöngunni eru mínar dyr,
elsku vinur hægt,hægt, svo stiginn ekki braki.
Og þó þú hafir aldrei, aldrei farið þetta fyrr,
þá finn ég að þú kemur, og hlusta bíð og vaki.
Gættu að því að strjúka ekki stafnum þínum við,
og stígðu létt til jarðar og mundu hvað ég segi.
Það iðka sjálfsagt margir þennan ævintýrasið,
sem aldrei geta hist þegar birta fer að degi.
Opnaðu svo hurðina hún er ekki læst,
hægt elsku vinur það er sofið bak við þilið.
Í myrkrinu, í myrkri geta margir draumar ræst,
og mér finnst við líka eiga það skilið.
Ég veit að þú ert góður og gætir vel að þér,
og gengur hægt um dyrnar, farðu helst úr skónum.
Þá er engin hætta, þú mátt trúa mér,
þei, þei, húsið er fullt af gömlum ljónum.
Það grunar engan neitt svona í allra fyrsta sinn,
og engum nema þér skal ég gefa blíðu mína.
Og þó að ég sé feimin, þá veistu vilja minn,
og veist að ég er heima, þín elsku hjartans Stína.

Textabrot af bakhlið plötuumslags[breyta | breyta frumkóða]

Hljómsveit Þorsteins Guðmundssonar er venjulega kennd við Selfoss. Þar býr Þorsteinn og er hljómsveit hans orðin sex ára gömul. Nokkrar breytingar hafa orðið á hljómsveitinni á þessum tíma, en síðustu tvö árin hefur hún verið skipuð þeim Hauki Ingibergssyni og Kristni Alexanderssyni auk Þorsteins. Þetta eru aðeins þrír menn og hljómsveitin því ekki stór, en annað kemur reyndar í ljós á þessari plötu, því þeir Haukur og Þorsteinn leika á þrjú hljóðfæri hvor. Haukur á tvær tegundir gítara auk ragmagnsbassa og Þorsteinn síðan á harmoniku, tenór-saxófón og chordovox. Og báðir syngja þeir, og stundum raddir með sjálfum sér, en allt er þetta mögulegt með nútímatækni í hljóðritun. Kristinn leikur síðan á trommur.

Tvö laganna á plötunni eru eftir Þorstein og gefa þau til kynna, að hann er lipur lagasmiður. Þriðja lagið er hið gamalkunna „Vakna Dísa" og síðan er fjórða lagið eftir hinn kunna lagasmið Steingrím Sigfússon. Er það gert við hið landsfræga ljóð Davíðs, „Bréfið hennar Stínu". Mun þetta vera eitt allra vinsælasta lagið í meðferð þeirra félaga, hvort sem þeir leika á réttarballi í Landeyjum, blómaballi í Hveragerði eða héraðsmóti í Dölunum.