Hjörtur Howser

Úr Wikipediu, frjálsa alfræðiritinu
Jump to navigation Jump to search

Hjörtur Howser (f. 30. júne, 1961) er íslenskur hljómborðsleikari. Hann hefur leikið með ýmsum hljómsveitum eins og Grafík, Kátum piltum og Vinir Dóra. Einnig lék hann um tíma með Mezzoforte og Fræbbblunum. Auk þess hefur hann um árabil verið undirleikari og tónlistarstjóri hjá Þórhalli „Ladda“ Sigurðssyni.

Hjörtur lærði á píanó í einkatímum áður en hann hélt til framhaldsnáms í Bandaríkjunum og Svíþjóð. Í Kaliforníu lærði hann kvikmyndatónsmíðar og útsetningar en raftónsmíðar í Stokkhólmi. Hjörtur hefur samið tónlist við fjölda heimildarmynda og sjónvarpsþætti á borð við Heilsubælið í Gervahverfi (1987), Pappírspésa (1988), Leyndarmál vísindanna (2013) og Töfrahetjurnar (2014).

Hjörtur hefur kennt byrjendum og lengra komnum á hljómborð hjá Námsflokkum Hafnarfjarðar frá árinu 2000 og byggir „Hljómborðsnámskeið fyrir byrjendur“ á sínu eigin námi og reynslu. Árið 2009 gaf hann út nótna-/kennslubók í samvinnu við Námsflokka Hafnarfjarðar og H-tóna. Á vegum sömu aðila kom út kennsluheftið Harmonikka fyrir byrjendur árið 2011 og boðið var upp á samnefnt námskeið í fyrsta sinn.

Tenglar[breyta | breyta frumkóða]

  Þetta æviágrip er stubbur. Þú getur hjálpað til með því að bæta við greinina.