Hjáleigubúskapur
Hjáleigubúskapur er búskapur þar sem búið er á litlum jarðarbletti, oftast leigulandi og afgjald er greitt með vinnuframlagi eða vörum. Á Íslandi leyfðu landeigendur við sjávarsíðuna útróðrarmönnum að setjast að nálægt býlum sínum og leyfðu þeim jarðarafnot og að halda bústofn en á móti unnu þeir hjá landeiganda við útræði. Hjáleigubúskapur (husmandsbrug) var algengur í Danmörku og voru árið 1895 í allri Danmörku 159147 hjáleigubændur sem höfðu land.
