Ómar Ragnarsson - Gamanvísur og annað skemmtiefni

Úr Wikipediu, frjálsa alfræðiritinu
Gamanvísur og annað skemmtiefni
Bakhlið
SG - 007
FlytjandiÓmar Ragnarsson
Gefin út1966
StefnaGamanmál
ÚtgefandiSG - hljómplötur
Hljóðdæmi

Gamanvísur og annað skemmtiefni er 33-snúninga LP-hljómplata gefin út af SG - hljómplötum árið 1966. Á henni flytur Ómar Ragnarsson gamanvísur og annað skemmtiefni hljóðritað að viðstöddum áheyrendum. Hljómsveit Magnúsar Ingimarssonar leikur undir í 1 og 6 á hlið A og 2 og 4 á hlið B. Jafnframt leikur Magnús einn undir, í 5 á hlið B. Allan annan undirleik annast Haukur Heiðar Ingólfsson, hinn reglulegi undirleikari Ómars. Ljósmyndir á framhlið eru eftir Óla Pál Kristjánsson.

Lagalisti[breyta | breyta frumkóða]

  1. Kappakstur - Lag - texti: Ómar Ragnarsson
  2. Hjólabragur - Lag - texti: Richard, Welch, Jararca, Pana — Ó. Ragnarsson
  3. Rafvirkjavísur - Lag - texti: Graham — Ó. Ragnarsson
  4. Bjargráðin - Lag - texti: Bagdasarian — Ó. Ragnarsson
  5. Greyið Jón - Lag - texti: Berlini, Taccani — Ó. Ragnarsson
  6. Pálína - Lag - texti: Gamalt sœnskt lag — G. Ásgeirsson & Sv. Björnsson
  7. Búðarvísur - Lag - texti: E. Thoroddsen — J. Thoroddsen
  8. Halló Dagný - Lag - texti: Herman — Ó. Ragnarsson
  9. Hott, hott á hesti - Lag - texti: Allan, Hill, Newman, Hoffman, Kent, Curtis — Ó. Ragnarsson
  10. Karlarnir heyrnarlausu - Lag - texti: Medley, Russel — Ó. Ragnarsson
  11. Skíðakeppnin - Lag - texti: Ómar Ragnarsson
  12. Amma húlar - Lag - texti: Carasone — Ó. Ragnarsson
  13. Stjórnmálasyrpa - Lag - texti: H. Helgason, F. Bjarnason — Ó. Ragnarsson
  14. Ökuferðin - Lag - texti: Ómar Ragnarsson
  15. Halló mamma - Lag - texti: Ponchíelli — Ó. Ragnarsson


Textabrot af bakhlið plötuumslags[breyta | breyta frumkóða]

Síðasta LP-platan, sem SG-hljómplötur sendu frá sér á liðnu ári var sungin af Ómari Ragnarssyni, þessvegna má jafnvel segja, að borið sé í bakkafullan lækinn þegar fyrsta LP-platan, sem SG-hljómplötur gefa út á þessu nýja ári er líka með Ómari. En þegar þið hafið sett plötuna á fóninn þá munið þið komast að raun um að svo er ekki. Þessari nýju plötu Ómars verður áreiðanlega vel tekið af hinum mörgu aðdáendum hans um land allt og vildu vafalaust margir hafa fengið slíka plötu á markaðinn fyrr. Hér er Ómar í essinu sínu. Syngur gamanvísur; hermir eftir og fer með eina af sínum skemmtilegu íþróttalýsingum. Sumt af því, sem Ómar flytur á þessari plötu er með því bezta, sem hann hefur verið með á skemmtunum undanfarin ár og þó að einstaka efni sé tímabundið, svo sem Amma húlar, þá er það engu að síður skemmtilegt. En mest allur hluti efnisins er þó ekki tímabundinn og er því jafn skemmtilegt í dag og það var í fyrra eða hitteðfyrra og mun verða næsta ár og þarnæsta.

Hljóðritun fór fram í útvarpssal að viðstöddum áheyrendum og er hér um algjöra nýjung að ræða í íslenzkrí hljómplötuútgáfu. Þetta skapar skemmtilega stemningu, enda var ungt og kátt fólk viðstatt hljóðritunina, nemendur Menntaskólans í Reykjavík fyrra kvöldið og nemendur Verzlunarskóla Íslands síðara kvöldið.