Ellý Vilhjálms - Ég veit þú kemur

Ég veit þú kemur
Bakhlið
SG - 535
Flytjandi	Elly Vilhjálms
Gefin út	1968
Stefna	Dægurlög
Útgefandi	SG - hljómplötur
Hljóðdæmi

Ég veit þú kemur er 45-snúninga hljómplata gefin út af SG - hljómplötum árið 1968. Á henni flytur Elly Vilhjálms fjögur lög.

Tvö af lögunum eru erlend að uppruna. Lagið „Heyr mína bæn“ („Non ho l'età“) er eftir Mario Panzeri og var fyrst flutt af Gigliola Cinquetti á tónlistarhátíðinni í Sanremo árið 1964. Hún flutti það svo í Söngvakeppni evrópskra sjónvarpsstöðva 1964 og sigraði keppnina. Hitt lagið er „Brúðkaupið“ („La novia“) eftir síleska lagahöfundinn Joaquín Prieto og frumflutt af bróður hans, Antonio Prieto, árið 1961. Það fékk titilinn „The Wedding“ í enskri útgáfu sem Julie Rogers flutti árið 1964. Fyrra lagið varð sígilt íslenskt sönglag með texta Ólafs Gauks og er oft flutt sem jólalag á Íslandi. Elly hafði áður flutt bæði lögin á plötum árið 1965.

Hin tvö lögin eru íslensk sönglög sem urðu gríðarvinsæl í flutningi Ellyjar Vilhjálms. „Ég veit þú kemur“ eftir Oddgeir Kristjánsson með texta eftir Ása í Bæ var þjóðhátíðarlag í Vestmannaeyjum árið 1962. Lagið fjallar í raun um óánægju Oddgeirs yfir því að Ási hefði ekki samið texta við lagið tímanlega. Hitt lagið er „Lítill fugl“ sem Sigfús Halldórsson samdi líklega um svipað leyti og hann samdi „Vegir liggja til allra átta“, eða um 1962. Elly hafði áður flutt lagið á plötu árið 1963.

Lagalisti

1. „Heyr mína bæn“ - Lag - texti: Erlent lag - Ólafur Gaukur
2. „Brúðkaupið“ - Lag - texti: Erlent lag - Árelíus Nielsson
3. „Ég veit þú kemur“ - Lag - texti: Oddgeir Kristjánsson - Ási í Bæ
4. „Lítill fugl“ - Lag - texti: Sigfús Halldórsson - Arnar Arnarson