Eimskipafélagshúsið

Eimskipafélagshúsið eða Pósthússtræti 2 er hús staðsett í Pósthússtræti sem reist var árið 1919 og teiknað af Guðjón Samúelssyni sem höfuðsstöðvar Eimskipafélags Íslands. Það gegnir í dag hlutverki hótels og er í eigu hótelkeðjunnar Radisson blu.

Saga

Fjögurra hæða stórhýsi Eimskipafélagsins á einhverjum besta stað í miðbænum þótti afar vönduð og metnaðarfull bygging. Afgreiðslusalur félagsins á fyrstu hæð var þiljaður að innan með eikarþiljum og í húsinu var lyfta og taldist hvort tveggja til nýjunga.

Frá upphafi var gert ráð fyrir að stækka mætta húsið til vesturs og lágu fyrir frumteikningar Guðjóns Samúelssonar að slíkri stækkun. Hún kom loks til framkvæmda árið 1979 og sá Halldór H. Jónsson um endanlega útfærslu.

Í rishæð hússins var fundarsalur, Kaupþingssalurinn, sem Verslunarráð Íslands rak. Í honum voru fundir bæjarstjórnar Reykjavíkur haldnir á árabilinu 1932 til 1958.

Á þakskeggi hússins var stór skjöldur með merki Eimskipafélagsins, sólkrossi eða hakakrossi, sem óneitanlega vakti hugrenningartengsl við einkennistákn nasista. Ráku erlendir ferðalangar oft upp stór augu við að sjá merkið. Eftir að Eimskipafélagið flutti höfuðstöðvar sínar úr húsinu og það fékk hlutverk hótels í staðinn var merkingunni breytt og byggingarár hússins, 1919, sett í staðinn.