Ragnar Bjarnason - Vorkvöld í Reykjavík

Úr Wikipediu, frjálsa alfræðiritinu
(Endurbeint frá EXP-IM 93)
Jump to navigation Jump to search
Vorkvöld í Reykjavík
Forsíða Ragnar Bjarnason - Vorkvöld í Reykjavík

Bakhlið Ragnar Bjarnason - Vorkvöld í Reykjavík
Bakhlið

Gerð EXP-IM 93
Flytjandi Ragnar Bjarnason, Sigurdór Sigurdórsson, hljómsveit Svavars Gests, hljómsveit BIrger Arudzen
Gefin út 1961
Tónlistarstefna Dægurlög
Útgáfufyrirtæki Íslenzkir tónar

Vorkvöld í Reykjavík er 45-snúninga hljómplata gefin út af Íslenzkum tónum árið 1961. Á henni syngur Ragnar Bjarnason tvö lög með hljómsveit Svavars Gests og lagið Komdu í kvöld með hljómsveit Birger Arudzen. Sigurdór Sigurdórsson syngur svo Þórsmerkurljóð með hljómsveit Svavars Gests. Platan er hljóðrituð í mono. Umslag: Amatörverslunin ljósmyndastofa. Pressun: AS Nera í Osló.

Lagalisti[breyta | breyta frumkóða]

  1. Vorkvöld í Reykjavík - Lag og texti: Taube - Sigurður Þórarinsson - Hljóðdæmi 
  2. Landafræði og ást - Lag - texti: Cottrau, NN - Sigurður Þórarinsson - Hljóðdæmi 
  3. Þórsmerkurljóð - Lag - texti: Þýskt alþýðulag - Sigurður Þórarinsson
  4. Komdu í kvöld - Lag og texti: Jón Sigurðsson - Hljóðdæmi 


Rauð útgáfa af plötuumslaginu.

Vorkvöld í Reykjavík[breyta | breyta frumkóða]

Svífur yfir Esjunni sólroðið ský,
sindra vesturgluggar, sem brenni í húsunum.
Viðmjúk strýkur vangana vorgolan hlý,
vaknar ástarþráin í brjóstum á ný.
Kysst á miðju stræti er kona ung og heit,
keyra rúntinn piltar, sem eru í stelpuleit,
Akrafjall og Skarðsheiði eins og fjólubláir draumar.
Ekkert er fegurra en vorkvöld í Reykjavík.
Tjörnin liggur kyrrsæl í kvöldsólarglóð
kríurnar þótt nöldri og bjástri í hólmanum.
Hjúfra sig á bekkjunum halir og fljóð,
hlustar skáldið Jónas á þrastanna ljóð.
Dulin bjarkarlimi á dúnsins mjúku sæng
dottar andamóðir með höfuð undir væng.
Akrafjall og Skarðsheiði eins og fjólubláir draumar.
Ekkert er fegurra en vorkvöld í Reykjavík.
Hljótt er kringum Ingólf og tæmt þar hvert tár
tryggir hvíla rónar hjá galtómum bokkunum.
Svefninn er þeim hóglega siginn á brár,
sunnanblær fer mildur um vanga og hár.
Ilmur er úr grasi og angan moldu frá,
aftansólin purpura roðar vestursjá.
Akrafjall og Skarðsheiði eins og fjólubláir draumar.
Ekkert er fegurra en vorkvöld í Reykjavík.

Sigurður Þórarinsson / Evert Taube