Skoða frumkóða fyrir Denis Mukwege

{{Persóna
| nafn           = Denis Mukwege
| búseta         = 
| mynd           = Denis Mukwege par Claude Truong-Ngoc novembre 2014.jpg
| myndastærð     = 200px
| myndatexti     = Denis Mukwege árið 2014.
| fæðingardagur  = {{fæðingardagur og aldur|1955|3|1}}
| fæðingarstaður = [[Bukavu]], [[belgíska Kongó]]
| dauðadagur     = 
| dauðastaður    = 
| þekkt_fyrir  = 
| háskóli = [[Fríháskólinn í Brussel]]
| starf          = Kvensjúkdómalæknir
| trú            = [[Hvítasunnukirkjan]]
| verðlaun = [[Sakharov-verðlaunin]] (2014)<br>[[File:Nobel prize medal.svg|15px]] [[Friðarverðlaun Nóbels]] (2018)
| maki = 
| foreldrar      = 
| undirskrift = 
}}
'''Denis Mukengere Mukwege''' (f. 1. mars 1955) er [[Austur-Kongó|kongóskur]] kvensjúkdómalæknir. Hann stofnaði og vinnur hjá Panzi-sjúkrahúsinu í [[Bukavu]], en þar sérhæfir hann sig í meðferðum á konum sem uppreisnarsveitir í landinu hafa [[Nauðgun|nauðgað]]. Hann hefur hlúð að þúsundum fórnarlamba nauðgunar frá tíma [[Seinna Kongóstríðið|seinna Kongóstríðsins]], sumum þeirra oftar en einu sinni, og afgreiðir allt að tíu sjúklinga á dag á 18 klst. vinnudegi sínum. Samkvæmt fréttablaðinu ''The Globe and Mail'' er Mukwege „líklega helsti sérfræðingur heimsins í meðferð á áverkum eftir nauðganir.“

Árið 2018 hlutu þau Mukwege og [[Nadia Murad]] [[friðarverðlaun Nóbels]] fyrir baráttu þeirra gegn kynferðisofbeldi í stríði.<ref>{{Vefheimild|url=http://www.ruv.is/frett/mukwege-og-murad-hljota-fridarverdlaun-nobels|titill=Mukwege og Murad hljóta friðarverðlaun Nóbels|safnslóð=|safnár=|safnmánuður=|höfundur=|eftirnafn=|fornafn=|höfundatengill=|höfundur2=|ár=2018|mánuður=5. október|ritstjóri=|tungumál=|snið=|vefsíða=|bls=|útgefandi=[[RÚV]]|mánuðurskoðað=6. október|árskoðað=2018|tilvitnun=}}</ref> 

==Æviágrip==
Denis Mukwege er sonur [[Hvítasunnukirkjan|hvítasunnuprests]]<ref>Emmanuelle Portejoie, « Un Martin Luther King africain. L’action du gynécologue Denis Mukwege est nourrie par une foi très engagée. », ''[[Réforme (hebdomadaire)|Réforme]]'', bls. 3651, 31. mars 2016.</ref> og stundaði grunnám í konunglegum skóla í Bukavu á tíma belgískra nýlenduyfirráða í Kongó. Hann hlaut framhaldsnám í Bwindi-háskólanum í Bukavu og útskrifaðist þaðan með gráðu í [[lífefnafræði]] árið 1974. Eftir að hafa unnið í tvö ár í tæknideild Háskólans í Kinsasa hóf hann læknisnám í Háskólanum í Búrúndí.

Mukwege hlaut læknisgráðu árið 1983 og hóf læknisstörf í sjúkrahúsinu í Lemera, sunnan við Bukavu. Árið 1984 hlaut hann námsstyrk frá trúaboðsmiðstöð sænskra hvítasunnumanna<ref>[http://blogdesebastienfath.hautetfort.com/archive/2013/07/20/dr-mukwege-5123603.html Page sur le {{Dr}} Mukwege].</ref> til að mennta sig í meðferð kvensjúkdóma í Háskólanum í Angers í Frakklandi. Hann stofnaði þar ásamt heimamönnum samtökin ''Esther Solidarité France-Kivu'' til að hjálpa heimalandi sínu.<ref name="Fig">Gaëlle Rolin, « Denis Mukwege, le garde du corps des Congolaises », ''[[Le Figaro]]'', 2. desember 2013, bls. 41.</ref>

Þann 24. september 2015 hlaut Mukwege doktorsgráðu í læknavísindum hjá Fríháskólanum í Brussel eftir að hafa varið doktorsritgerð sína um orsakir, greiningar og meðferðir á saurfistlum í austurhluta Lýðstjórnarlýðveldisins Kongó.<ref>{{Vefheimild |útgefandi= Newmedia|titill = Le Dr. Denis Mukwege à l'ULB : plus de 800 personnes présentes à la défense de thèse de l'homme qui répare les femmes|url = http://www.rtl.be/info/regions/bruxelles/le-dr-denis-mukwege-a-l-ulb-plus-de-800-personnes-presentes-a-la-defense-de-these-de-l-homme-qui-repare-les-femmes-757161.aspx|mánuðurskoðað=6. október|árskoðað=2018}}</ref>

===Læknisferill og mannréttindastörf===
Mukwege sneri aftur til Kongó árið 1989 þrátt fyrir að eiga vel launað starf í Frakklandi. Hann gerðist yfirlæknir í sjúkrahúsinu í Lamera.

Árið 1996 var sjúkrahús Mukwege lagt í rúst í [[Fyrra Kongóstríðið|fyrra Kongóstríðinu]]. Mukwege slapp með líf sitt en fjöldi sjúklinga og lækna hans voru myrtir í árásinni. Hann flúði til [[Naíróbí]] en ákvað síðan að snúa aftur til Kongó. Með hjálp sænsku hjálparsamtakanna PMU (''Pingstmissionens Utvecklingssamarbete'') stofnaði hann Panzi-sjúkrahúsið í Bukavu. Hann hefur þar þurft að hlúa að tíðum limlestingum á kynfærum kvenna. Mukwege ákvað að gera heimnum kunnugt um kynferðislegar misþyrmingar sem konur mega sæta í austurhluta Kongó og beita sér fyrir auknu hjálparstarfi í þágu fórnarlamba kynferðisofbeldis. Á svæði þar sem hópnauðganir eru algeng stríðsvopn hefur Mukwege sérhæft sig í verndun og læknisaðstoð fyrir fórnarlömbin, auk þess að vinna að auknu aðgengi að sálfræði, lög- og fjárhagsaðstoð fyrir þau.

Mukwege er almennt talinn einn helsti sérfræðingur á heimsvísu í meðferð á [[Fistill|fistlum]]. Hann hefur hlotið tvær háskólaviðurkenningar fyrir rannsóknarstörf sín í þeim efnum.

Þann 25. október árið 2012 var Mukwege sýnt banatilræði í miðbæ Bukavu. Fjórir menn réðust inn á heimili hans, héldu dætrum hans í gíslingu og skutu öryggisvörð hans til bana. Mukwege slapp heilu og höldnu þegar nágrannar hans skárust í leikinn.<ref name="lesoir-20121026">[http://www.lesoir.be/106982/article/actualite/monde/2012-10-26/agression-contre-dr-mukwege-%C3%A0-bukavu-sa-sentinelle-est-abattue « Agression contre le {{Dr}} Mukwege à Bukavu, sa sentinelle est abattue »], lesoir.be, 26. október 2010.</ref> Eftir tilræðið flutti hann í nokkra mánuði til Belgíu en sneri aftur til Kongó næsta ár til að halda störfum sínum áfram.<ref name="Fig"/>

==Tilvísanir==
<references/>
{{Friðarverðlaun Nóbels}}
{{DEFAULTSORT:Mukwege, Denis}}
{{f|1955}}
[[Flokkur:Austur-kongóskir læknar]]
[[Flokkur:Handhafar friðarverðlauna Nóbels]]
[[Flokkur:Handhafar Sakharov-verðlaunanna]]