Argentínskur smokkfiskur

Argentínskur smokkfiskur
(Argentínskur smokkfiskur(Illex argentinus))
Ástand stofns
Ekki í útrýmingarhættu (IUCN)
Vísindaleg flokkun
Ríki: Dýraríki (Animalia) Fylking: Liðdýr (mollusca) Undirfylking: Krabbadýr (Crustacea) Flokkur: Smokkfiskar (Cephalopoda) Ættbálkur: Skutlar (Oegopsida) Ætt: Ommastrephidae Ættkvísl: Illex Tegund: I.Argentinus'
Tvínefni
Illex argentinus Castellanos, 1960

Argentínskur smokkfiskur (fræðiheiti: Illex argentinus) er smokkfiskur sem tilheyrir ættinni Ommastrepidae.

Argentínskur smokkfiskur lifir í Suðvestur-Atlantshafi. Smokkfiskurinn er að 30 cm lengd eða minni og getur möttullinn verið 22 cm. Líkaminn er rörlaga og langur og er hausinn yst. Argentínskur smokkfiskur getur lifað allt frá yfirborði sjávar niður í allt að 800 metra dýpi. Þeir fjölga sér með innri frjóvgun en karlkyns fiskurinn kemur sæðinu fyrir í kvenfisknum og drepst fljótlega eftir það. Kvensmokkfiskurinn getur verpt allt að 750 þúsund eggjum og eftir að hún hefur komið eggjunum fyrir á sjávarbotni drepst hún. Argentínskur smokkfiskur hefur hraðan lífsferil og lifir aðeins í 1-2 ár. Á þessum stutta tíma vex fiskurinn frá því að vera seiði í fullvaxinn smokkfisk, eða frá einum millimetra í 30 cm. Eggin vaxa mishratt svo þau klekjast ekki öll út á sama tíma.

Veiðar

Afli 10 stærstu veiðiþjóða, plús önnur lönd árin 1950-2019.

Argentínskur smokkfiskur er vinsæl veiðitegund og frá 1982 til 2002 voru smokkfiskaveiðar á bilinu 1,1–2,6 milljónir tonna á ári. Veiðarnar snúast aðallega um argentínskan smokkfisk og japanskan smokkfisk (Todarodes pacificus). Argentínskur smokkfiskur er einn af þeim smokkfiskategundum sem er mikið veitt af. Heildaraflinn var 511.087 tonn árið 2002 eða 23,3% af öllum veiddum smokkfiskategundum. Sama ár voru 75% af 2,18 milljónum tonna sjávarafla smokkfiskaafli, en sá afli hefur aukist á heimsvísu. Þessar tvær tegundir, Illex argentinus og Todarodes pacificus, voru 46% af smokkfiskaafla heims.

Argentínskur smokkfiskur vex hratt og hefur stuttan líftíma, en þeir stærstu verða 400 mm þegar þeir eru fullvaxnir. Líftíminn er aðeins eitt, ár en á þeim tíma eru þeir mikið á ferðinni á milli hrygningarsvæða og í leit að fæðu. Seiði sem hafa ekki náð fullum þroska halda sig 3-20 metra frá botni á daginn, en færa sig svo upp í 5-20 metra dýpi á nóttunni. Fullþroska smokkfiskur heldur sig á hafsbotni á nóttunni, eða á um 500-900 metra dýpi og færir sig svo upp í 200-300 metra dýpi yfir daginn. Til að auðvelda veiðarnnar er notast við ljós á nóttunni til að smokkfiskurinn færi sig ofar þar sem hann er fangaður í stór net.

Við veiðar á argentínskum smokkfiski er notast við línubáta. Þá slaka þeir línu niður með beitu á og ljós sem laðar smokkfiskin að. Það eru reglur um notkun á ljósum, en lítil skip mega nota einn lampa á meðan stór skip eru með leyfi fyrir töluvert fleirum. Lamparnir gefa að mestu frá sér hvítt ljós, en stundum eru hafði lampar með sem gefa frá sér grænan lit.

Útbreiðsla

Argentínskur smokkfiskur lifir dreift meðfram strönd Argentínu, Úrúgvæ og Brasilíu. Erlendir flotar frá Japan, Kína, Taívan, Kóreu og Spáni starfa löglega á úthafinu við það að veiða argentínskan smokkfisk undan landhelgi Argentínu (SFP,2021).

Meira en 2 milljónum tonna af smokkfiski er landað árlega um allan heim. Árið 2003 voru 49.654 tonn af smokkfiski flutt til Bandaríkjanna frá þrjátíu mismunandi löndum. Til eru upplýsingar um svæðisbundnar veiðar á smokkfiskum, en lítið er vitað um svæðisbundna löndun smokkfiskategunda. Þegar smokkfiskur þvælist með sem meðafli er ekki nauðsynlegt að tilkynna smokkfiksategundina sem kemur með aflanum, en aftur á móti þarf að tilkynna magnið til Alþjóðamatvælastofnunarinnar (FAO) og frá hvaða svæði aflinn kom. Ástæðan fyrir því að tilkynna þarf meðafla er að lífsferill smokkfiska er stuttur eða um eitt ár. Þess vegna er mikilvægt að halda utan um þær upplýsingar sem til eru og gæta þess að ofnýta ekki stofninn.