Agamemnon
Hin svokallaða helgríma Agamemnons, sem Heinrich Schliemann uppgötvaði 1876 í Mýkenu. Óvíst er að helgríman sé raunverulega helgríma Agamenons.
Agamemnon (forngríska Ἀγαμέμνων) er ein þekktasta persónan í grískri goðafræði. Hann var sonur Atreifs konungs í Mýkenu og Ærópu drottningar og var eldri bróðir Menelásar, konungs í Spörtu. Agamemnon fór fyrir því herliði Grikkja sem hélt til Tróju í Trójustríðinu.