A Wendel ehf
A. Wendel ehf. er íslenskt fyrirtæki sem stofnað var í Reykjavík árið 1957 af Adolf Wendel.
Fyrirtækið haslaði sér þegar völl á sviði innflutnings og sölu á vélum til mannvirkjagerðar, gatnagerðar, húsbygginga og iðnaðar. Fyrirtækið hefur oft rutt nýjum vörum og tækni braut hér á landi, meðal annars vélasamstæðuna sem notuð var til að steypa Keflavíkurveginn, titrings valtrara og jarðvegsþjöppur, fyrstu kantsteypuvél fyrir gangstéttakanta í Evrópu frá Power Curber í USA, Epoke salt og sanddreifara til hálkueyðingar á vegum og gangstéttum, beygjuvélar og klippur fyrir steypustyrktarstál.
Nú selur fyrirtækið aðallega tæki til vinnslu og niðurlagningar á steypu og malbiki, búnað til snjóruðnings og hálkueyðingar á vegum, umferðaröryggisbúnað í sambandi við vegavinnu, gólfslípivélar og iðnaðarryksugur, vatnsdælur fyrir verktaka, götuhreinsibíla og allan tækjabúnað til notkunar við sögun og kjarnaborun á steinsteypu og malbiki.
Meðal umboða eru Adamas, Ammann, Brokk, Epoke, Hilltip, Husqvarna, Hycon, Nissen, Faun, Rioned, Överaasen og Tuchel.
Fyrirtækið flutti í núverandi húsnæði að Tangarhöfða 1 í Reykjavík í Júní 2007.[1]
Tilvísanir
[breyta | breyta frumkóða]- ↑ „Um fyrirtækið A. Wendel ehf. sem var stofnað árið 1957 af Adolf Wendel“. www.wendel.is. Afrit af upprunalegu geymt þann 4. febrúar 2022. Sótt 4. febrúar 2022.