Þverá (Fljótshlíð)
(Endurbeint frá Þverá í Fljótshlíð)
63°46′31″N 20°29′11″V / 63.775338°N 20.486346°V
Þverá í Fljótshlíð er um 31 km. löng með upptök við Hámúlagarð í Fljótshlíð og endamark þar sem hún fellur í Ytri-Rangá sem eftir það skiptir um nafn og heitir Hólsá.
Eystri-Rangá fellur í Þverá 5 km frá mótunum við Ytri-Rangá.
Hún er fremur lítil til að byrja með en vex eftir því sem hliðarár falla í hana og er orðin um 4 m3/sek við ármót við Eystri-Rangá.
Áin var áður fyrr miklu stærri en 1946 var hlaðinn 600 metra langur varnargarður sem veitti megninu af ánni í Markarfljót.