Þreskivél

Nútíma þreskivél

Drónamyndband af þreskivél 2022

Þreskivél er vél sem notuð er við uppskerustörf. Vélin klippir kornstöngla, hristir kornið úr og sigtar það. Vélin færir svo stönglana (hálminn) og skilar þeim út sem görðum eða kögglum. Fremst á vélinni er ljár sem klippir kornstönglana og búnaður sem færir stönglana upp í vélina. Þar er þreskibúnaður með þreskli sem slær korn úr öxunum. Þau falla svo í gegnum þreskihvelfu og aðskiljast þannig frá hálminum. Hálmurinn er svo hristur aftur til að ná öllu korni úr og hann fellur svo aftan úr vélinni. Korninu er safnað á kornplötu og fer þaðan í gegnum sáld með loftstreymi frá viftu sem blæs svo hálmleifum, rusli og kuski aftan úr vélinni. Fullhreinsað korn er svo flutt í korngeymi. Þreskivélar eru notaðar við uppskeru á hveiti, höfrum, rúgi, byggi, maís, sojabaunum og hör.

Skýringarmynd yfir þreskivél	Skýringar
	1	Sópvinda	11	Efra sáld
	2	Ljár	12	Neðra sáld
	3	Færisnigill	13	hratsnigill
	4	Færistokkur	14	hratvinnsla?
	5	Steinafella	15	Kornsnigill
	6	Þreskivölur	16	Korngeymir
	7	Þreskihvelfa	17	Hálmsaxari
	8	Hálmhristill	18	Stýrishús
	9	Kornplata	19	Hreyfill
	10	Vifta	20	Hlíf	21	Hálmvinda

Heimild

• Lárus Pétursson: Kornskurðarvélar Geymt 4 mars 2016 í Wayback Machine

  Þessi landbúnaðargrein er stubbur. Þú getur hjálpað til með því að bæta við greinina.