Úrslitaleikur Meistaradeildar Evrópu árið 2004

Úrslitaleikur Meistaradeildar Evrópu 2004 var knattspyrnuleikur sem spilaðist 26. maí 2004 til að ákveða sigurvegara Meistaradeildar Evrópu tímabilið 2003-04. AS Mónakó og Porto mættust á Veltins Arena (Arena AufSchalke) í Gelsenkirchen í Þýskalandi. Þrátt fyrir að AS Monakó kemur frá og spilar í Mónakó var liðið fulltrúi frönsku deildarinnar Ligue 1 í keppninni og lék því undir franska fánanum. Porto vann leikinn 3-0, þar sem Carlos Alberto, Deco og Dmitri Alenichev skoruðu í yfirgnæfandi leik Porto liðsins undir stjórn José Mourinho. Deco var nefndur besti leikmaðurinn.

Fyrri sigur Porto í keppninni var 1987 - þó að þeir hefðu unnið Evrópukeppni félagsliða í knattspyrnu á síðasta tímabili - á meðan Mónakó spilaði sinn fyrsta úrslitaleik í Meistaradeildinni og Evrópukeppni. Bæði lið byrjuðu herferðir sínar í riðlakeppninni og sigruðu fyrrverandi Evrópumeistara á leiðinni í úrslit: Porto sigraði gegn Manchester United en Mónakó sigraði Real Madrid.

Bæði lið voru taldir lítilmagnar áður en útsláttarkeppnin hófst. Mónakó hafði ráðið fyrrverandi landsliðsleikmann Frakka Didier Deschamps sem þjálfara og Porto var stjórnað af rísandi stjörnunni José Mourinho, sem yfirgaf félagið til Chelsea viku eftir leikinn.

Mónakó varð fjórða félagið í frönsku deildinni til að komast í úrslitaleik Meistardeildarinnar/Evrópukeppni meistaraliða á eftir Reims árið 1956 og 1959, Saint-Étienne árið 1976 og Olympique de Marseille 1991 og 1993. Þetta var aðeins fimmti úrslitaleikurinn í sögu keppninnar þar sem hvorugt liðið kom frá Englandi, Þýskalandi, Ítalíu eða Spáni og í fyrsta sinn síðan í úrslitaleiknum árið 1991 þegar Rauða stjarnan Belgrad frá Júgóslavíu sigraði Marseille. Síðan þá hefur ekkert lið frá annaðhvort af fyrrnefndum löndum unnið keppnina.