Ólafur Th Ólafsson

Úr Wikipediu, frjálsa alfræðiritinu
Jump to navigation Jump to search
Ólafur Th Ólafsson
Benedikt Gröndal, yngri. Olíumálverk eftir Ólaf Th Ólafsson í eigu Fjölbrautarskóla Suðurlands
Málverk eftir Ólaf Th Ólafsson frá 1972 (einkaeign)
Teiknitól, uppstilling eftir Ólaf Th Ólafsson (einkaeign)

Ólafur Th Ólafsson myndlistarmaður er fæddur 3.10.1936 í Reykjavík en flutti með fjölskyldu sína til Selfoss 1965. Ólafur útskrifaðist úr Myndlista- og handíðaskóla Íslands 1979 og hefur síðan þá haldið nokkrar einkasýningar og tekið þátt í samsýningum á Selfossi og í Reykjavík og víðar. Ólafur hefur einnig lagt stund á skrautskrift og aðra skreytilist, hannað skilti, vörumerki og lógó eða einkennismerki. Þekkt lógó eru t.d. félagsmerki Íþróttafélagsins Gerplu í Kópavogi, merki Fjölbrautarskóla Suðurlands og merki Kökugerðar HP Selfossi. Skilti eftir Ólaf sjást víða um Selfoss. Hann hefur einnig lagt hönd að leikmyndahönnun og leiktjaldamálun hjá Leikfélagi Selfoss. Ólafur hefur reynt fjölmörg listform en á síðari árum hefur hann einbeitt sér mest að vatnslitamyndum en vinnur þó einnig að olíumálverkum.

Nám:

Störf:

  • Ólafur var kennari við Iðnskólann á Selfossi 1978-1982 og við Fjölbrautarskóla Suðurlands 1982-2006. Þar kenndi hann grunnteikningu, myndlist og listasögu.

Ólafur er tónlistarmaður og félagi í Harmonikufélagi Selfoss. Þekkt er lag hans "Vals úr Breiðfirðinbgabúð" sem komið hefur út hljómdiskum (Gísli H. Brynjólfsson 2009, Vangaveltur, Harmonikufélag Selfoss 2013, Hildur Petra og Vigdís, Dragspilsdraumar 2015).

Þess má til gamans geta að Ólafur kemur við sögu í hinu kunna lagi Sniglabandsins Selfoss er.:

Komandi kynslóðir við viljum minna ykkur á
Labba í Mánum og Óla Th. ....

Ólafur Th Ólafsson hlaut menningarviðurkenningu Sveitarfélagsins Árborgar 2014.

Eiginkona Ólafs var Sigrún Gyða Sveinbjörnsdóttir sjúkraliði (1937-2016).

Kökugerð HP Selfossi. Skilti eftir Ólaf Th Ólafsson