Húsavík (Skjálfanda)

Úr Wikipediu, frjálsa alfræðiritinu
Stökkva á: flakk, leita
Norðurþing
Staðsetning sveitarfélagsins
Sveitarfélagsnúmer 6100
Kjördæmi Norðausturkjördæmi
Flatarmál
 – Samtals
9. sæti
3.754,9 km²
Mannfjöldi
 – Samtals
 – Þéttleiki
17. sæti
2.822 (2014)
0,75/km²
Bæjarstjóri Kristján Þór Magnússon
Þéttbýliskjarnar Húsavík (íb. 2.299)
Kópasker (íb. 122)
Raufarhöfn (íb. 235)
Póstnúmer 640, 641, 670, 671, 675
Vefsíða sveitarfélagsins

Húsavík er bær við Skjálfanda í sveitarfélaginu Norðurþingi í Suður-Þingeyjarsýslu. Sjávarútvegur, verslun og ferðaþjónusta eru þar mikilvægustu atvinnuvegir. Framhaldsskóli er í bænum: Framhaldsskólinn á Húsavík.

Á meðal merkilegra mannvirkja á Húsavík er Húsavíkurkirkja sem er frá fyrri hluta 20. aldar. Boðið er upp á hvalaskoðunarferðir frá Húsavík og þar er einnig hvalasafn. Einnig er Mývatn ásamt eldstöðvunum við Kröflu ekki langt frá.

Húsavík er kaupstaður við innanverðan Skjálfanda að austanverðu. Fiskvinnsla og útgerð hefur verið ein af stoðum atvinnulífsins ásamt með verslun og þjónustu við nágrannasveitir. Vinnsla landbúnaðarafurða er og stór þáttur í atvinnulífinu og eru þar framleiddar landsþekktar kjötvörur. Elsta kaupfélagið á landinu, Kaupfélag Þingeyinga (oft skammstafað KÞ) var stofnað árið 1882 og hafði höfuðstöðvar á Húsavík, árið yfirtók KEA (Kaupfélag Eyfirðinga á Akureyri) og alla framleiðslu þess, þar á meðal Mjólkursamlag Húsavíkur sem framleiddi hið geysi vinsæla Húsavíkur Jógúrt, í dag er það framleitt af MS Akureyri. Hótel Húsavík, Gistihúsið Árból og fleiri heimagistingar eru á staðnum og þjónusta við ferðamenn eins og hún gerist best. Hvalaskoðunarferðir frá Húsavík eru löngu þekktar hérlendis sem og víðast annars staðar í heiminum og kemur fjöldi íslenskra og erlendra ferðamanna til Húsavíkur gagngert til að skoða hvali. Árangurinn í þessum ferðum hefur orðið til þess, að bærinn er nú kallaður: „Hvalahöfuðborg heimsins”. Hvalamiðstöðin dregur til sín tugi þúsunda gesta ár hvert.

Húsavík
Húsavíkurbær (2002 - 2006)

Stutt er í eina af þekktustu laxveiðiám landsins, Laxá í Aðaldal, en einnig býðst veiði í vötnum og öðrum ám í nágrenninu. Fjölmargir áhugaverðir staðir eru í nágrenni Húsavíkur og má t.d. nefna Tjörnes, þar finna má skeljar í berglögum vel fyrir ofan sjávarmál. Skammt er til Mývatns, Kelduhverfis, Jökulsárgljúfra og annnarra áhugaverðra staða frá Húsavík.

Tenglar[breyta]

Fyrirtæki og stofnanir á Húsavík

Wikimedia Commons er með margmiðlunarefni sem tengist