Wikipedia:Breytingadeilur
 |
Þessi síða
lýsir samþykkt sem gildir á íslensku Wikipediu og allir notendur ættu að virða eins og kostur er. Ekki breyta henni í ósátt við aðra notendur. |
Breytingadeilur (einnig breytingastríð) eiga sér stað þegar einstakir ritstjórar eða hópur ritstjóra taka breytingar hvers annars á greinum eða síðum stanslaust til baka. Ritstjórar sem lenda í ágreiningi ættu að ná samkomulagi (t.d. á spjallsíðu viðkomandi síðu) eða leita lausna á deilum frekar en að taka þátt í breytingadeilum. Slík hegðun er talin óæskileg og með öllu móti bönnuð. Umræða um breytingardeilu skal fara eftir reglum um framkomu á Wikipedíu.
Breytingadeilur eru ekki mannbætandi, skapa fjandskap milli ritstjóra, gera samkomulag erfiðara og valda ruglingi fyrir lesendur. Ritstjóri sem ítrekað endurheimtir sína eigin útgáfu er að taka þátt í breytingadeilum, óháð því hvort þessar breytingar séu réttlætanlegar. Að halda því fram að breytingar sínar hafi verið réttar og þar af leiðandi geti ekki verið um breytingadeilu að ræða er ekki gild vörn.
Þegar einstaklingur tekur þátt í breytingardeilu skal hann hefja umræðu við þann sem deilt er við. Geri hvorugur deiluaðili það, skal möppudýr hefja umræðuna, en öðrum notendum er einnig heimilt að hefja umræðu. Þegar einstaklingur heldur breytingardeilu áfram innan sólarhrings (24 klukkutíma) eftir stofnun umræðu, skal eftir þrjár endurheimtur hindra viðkomandi og benda aftur á umræðuna. Þegar einstaklingur heldur breytingardeilu áfram með lengra millibili skal eftir fimm endurheimtur hindra viðkomandi og benda aftur á umræðuna. Þegar fleiri en tvö notendanöfn eða vistföng eiga í deilum leyfist möppudýri að nota verndun í stað hindrunar. Ef eingöngu vistföng deila skal nota lægra verndunarstig, en hærra verndunarstig ef eitt eða fleiri notendanöfn taka þátt. Einnig má nota verndun gegn langtímavörgum, þó svo að aðeins tvö notendanöfn eða vistföng taki þátt. Þegar breytingardeila er á einni síðu skal aðeins hindra síðuna þar sem breytingardeilan á sér stað. Þegar breytingardeila er á fleiri síðum má hindra notanda á fleiri síðum, en aldrei má hindra breytingar á spjallsíðu notandans. Umræða um breytingardeilu skal nú eiga sér stað á spjallsíðu notandans.
Möppudýri er heimilt að líta svo á nokkur vistföng og/eða notendaaðganga sem hafa margar svipaðar breytingar og athuga hvort þeir séu notaðir af sama aðila, en slíkt hegðunarmynstur kallast grímuleikir.