Ásgeir Jónsson
Ásgeir Jónsson (f. 21. júní 1970) er íslenskur hagfræðingur, rithöfundur og núverandi seðlabankastjóri Seðlabanka Íslands.
Ásgeir er sonur Jóns Bjarnasonar ráðherra og þingmanns Vinstri grænna. Hann lauk stúdentsprófi frá Menntaskólanum á Akureyri 1990 og BS-prófi í hagfræði frá Háskóla Íslands 1994. Lokaritgerð hans hét „Siglt gegn vindi" og var þjóðhagfræðileg greining á íslenska hagkerfinu 1400-1600. Hún var birt í Fjármálatíðindum seinna hefti árið 1994. Ásgeir lauk meistaraprófi í hagfræði frá Indiana-háskóla árið 1997 og doktorsprófi frá sama skóla árið 2001.
Ásgeir starfaði um tíma sem yfirmaður greiningardeildar Kaupþings banka. Eftir bankahrunið skrifaði hann bókina Why Iceland?: How one of the worlds smallest countries became the meltdown‘s biggest casualty.[1] Í bókinni sem er skrifuð á ensku, rekur hann stuttlega sögu Íslands áður en hann greinir frá túlkun sinni á ástæðum bankahrunsins. Bókin var gefin út af bandaríska útgáfurisanum McGraw-Hill.
Þann 24. júlí árið 2019 var tilkynnt að Ásgeir tæki við af Má Guðmundssyni sem seðlabankastjóri.[2]
Árið 2023 var Ásgeir harðlega gagnrýndur fyrir stýrivaxtahækkanir Seðlabankans.[3]
Tilvísanir
[breyta | breyta frumkóða]- ↑ Bókin á vef McGraw-Hill útgáfufyrrtækisins
- ↑ Sylvía Hall (24. júlí 2019). „Ásgeir Jónsson nýr seðlabankastjóri“. Vísir. Sótt 24. júlí 2019.
- ↑ Svartur dagur fyrir almenning í landinu Rúv, 24/5 2023
Tenglar
[breyta | breyta frumkóða]- Vefur Ásgeirs; hýstur hjá Háskóla Íslands Geymt 26 apríl 2011 í Wayback Machine
| Tímabil |  | |
|---|---|---|
| Bankar | ||
| Stofnanir | ||
| Fyrirtæki | ||
| Athafnamenn |
| |
| Stjórnmálamenn | ||
| Grasrótarstarf | ||
| Rannsókn | ||
| Ýmislegt | ||