Le sacre du printemps

Skissa af leikmynd fyrir fyrsta kafla í Le sacre du printemps

Dansmeyjar í Le sacre du printemps þegar verkið var frumsýnt árið 1913

Vorblótið eða Le sacre du printemps er danstónverk eftir tónskáldið Stravinskíj en verkið var samið fyrir Sergei Diaghilev og ballettflokk hans, Ballets Russes. Danshöfundur var Vaslav Nijinsky og leikbúninga og leikmynd gerði rússneski listamaðurinn Roerich. Vorblótið er af mörgum talið lykilverk í tónlistarsögunni og þegar verkið var frumsýnt í París 29. maí 1913 brutust út slagsmál meðal áhorfenda sem púuðu niður verkið bæði vegna dansanna og tónlistarinnar.