Tveggjagáttatilraun
Tveggjagáttatilraun (eða Young-tilraun) er tilraun úr skammtafræði sem fjölfræðingurinn Thomas Young setti fyrstur upp. Tilraunin sannaði fyrst í höndum hans að ljós væri bylgjuhreyfing. Skammtafræðingar sýndu seinna fram á að ljós hefur hvortveggja eigindir bylgju og agnar og annað útilokar ekki hitt. Það er því sagt að ljós sé tvíeðla, það er hafi svokallað bylgju-agnar-eðli. Hið sama á við um rafeindir og ljóseindir. Skammtafræðingar komust einnig að því að athugandinn hefur áhrif á hegðun ljóseinda þar eð ljóseindir tóku að haga sér eins og agnir ef fylgst er með þeim.
