The Wild Bunch

Kvikmyndun á opnunarsenu myndarinnar The Wild Bunch. Hinir öldruðu útlagar ríða inn á sviðið

The Wild Bunch er bandarískur vestri frá árinu 1969 en leikstjóri kvikmyndarinnar var Sam Peckinpah. Myndin fjallar um roskna útlaga í gengi á landamærum Mexíkó og Bandaríkjanna sem reyna að komast af með öllum ráðum en eru eins og nátttröll í nýmóðins heimi árið 1913. Myndin lýsir samfélagi siðrofs og upplausnar á skilum tveggja félagskerfa. Hún segir sögu hóps sem hefur dagað uppi í heimi þar sem færni þeirra og hæfni er orðin úrelt, hóp sem reynir að skapa eigin heim. Myndin vakti í upphafi mikla athygli vegna myndatökunnar en í myndinni er mikið ofbeldi og það sýnt öðruvísi, raunverulegra og á ógeðslegri hátt en áður hafði tíðkast í bandarískum vestrum.

Heimild

• Þórólfur Þórlindsson, The Wild Bunch Siðfræði og fagmennska í heimi fáránleikans: Um siðrof og útlaga í kvikmynd Sams Peckinpahs, Þjóðfélagið nr.3 2012 Geymt 4 apríl 2016 í Wayback Machine