Tahítí

Tahítí er þekkt fyrir svartar sandstrendur sínar.

Tahítí er er stærsta eyjan í hinum svonefnda Kulborðseyja hópi í Frönsku Pólynesíu sem enn þann dag í dag tilheyra Frakklandi. Höfuðborg Frönsku Pólynesíu heitir Papeete og er hún á Norðvestur-Tahítí.

Tahítí er fjármála-, menningarleg og stjórnmálaleg miðja Frönsku Pólynesíu. Tahítí er fjölmennasta eyja Frönsku Pólynesíu með 187 þúsund íbúa (2012), sem er 68,5% heildarmannfjölda Frönsku Pólynesíu. Tahítí hét áður Otaheite.

Konungsríkið Tahiti (1788–1880) var fyrst ríkja heims til að afnema dauðarefsingu úr lögum, árið 1824.

Líkt og Ísland varð eyjan til við eldgos. Eyjan er há- og fjalllend. Flatarmál Tahítí er rétt rúmlega þúsund ferkílómetrar. Þrátt fyrir að flatarmál eyjarinnar sé aðeins einn hundraðasti af flatarmáli Íslands er hæsti tindur hennar, Mont Orohena, 120 metrum hærri en Hvannadalshnúkur, hæsti tindur Íslands.

  Þessi landafræðigrein er stubbur. Þú getur hjálpað til með því að bæta við greinina.