Serial Mom
Serial Mom er bandarísk kvikmynd frá árinu 1994 í leikstjórn John Waters. Aðalleikarar myndarinnar eru Kathleen Turner, sem leikur eiginkonuna, Sam Waterston, sem leikur eiginmann hennar, og Rick Lake og Matthew Lillard, sem leika börn þeirra.
Myndin fjallar um hina fullkomnu amerísku fjölskyldu: ráðagóða húsmóður og föður sem er tannlæknir með góðan rekstur. Dóttir þeirra er í háskóla og á við strákavandamál að stríða og sonurinn er að klára menntaskólann og er mikið fyrir hryllings- og spennumyndir. Við fyrstu sýn virðist allt vera gott og blessað. Móðirin gerir allt til að vernda fjölskyldu sína og til að tryggja hamingju hennar. Hún er þó ekki öll þar sem hún er séð. Kennari sonarins hverfur allt í einu eftir að hann hafði mælt með sálfræðimeðferð fyrir soninn, kærasti dótturinnar finnst látinn eftir að honum láðist að hringja í hana eins og hann lofaði. Einn af sjúklingum föðurins gleymdi að nota tannþráð og fær að gjalda þeirra mistaka.
