Prokaria

Prokaria (áður Íslenskar hveraörverur ehf.) var íslenskt líftæknifyrirtæki sem var stofnað var árið 1998. Árið eftir fékk fyrirtækið sérleyfi til hagnýtra rannsókna á 28 hverasvæðum á Íslandi. Forstjóri fyrirtækisins var Jakob Kristjánsson, en meðal annarra stofnenda voru Kári Stefánsson og Hannes Smárason hjá Íslenskri erfðagreiningu.

Fyrirtækið vann að þróun afurða fyrir matvæla-, efna-, heilsu-, og lyfjaiðnað sem byggir á aðferðafræði líftækni, örverufræði og sameindalíffræði. Strax í upphafi var lögð áhersla á hitakærar örverur og ensím úr þeim. Stór þáttur í starfseminni fólst í skimun og könnun á nýjum ensímum úr lífverum sem lifa við jaðarskilyrði lífs, háan hita, mikinn kulda, lágt sýrustig og svo framvegis til nota í iðnaði. Erfðagreiningasvið sem beitti erfðagreiningum í kynbótasafni í rannsóknum á stofnerfðafræði dýra var svo bætt við Prokaria árið 2004.

Þegar opinbera hlutafélagið Matís ohf var stofnað í kringum matvælarannsóknir og -þróun árið 2007 varð Prokaria að líftæknideild Matís. Mikið af starfsemi líftæknideildarinnar byggðist á áralöngum rannsóknum Prokaria á ensímum sem voru einangruð úr hitakærum örverum. Matís notaði Prokaria-heitið áfram um nokkurt skeið.

Heimildir

  Þessi líffræðigrein er stubbur. Þú getur hjálpað til með því að bæta við greinina.