Notandi:Sofasett/sandbox

Almennt um Sólflúru

Dover sole ber heitið Solea solea á latínu og Sólflúra á Íslensku. Hún er af ætt flatfiska en þeir eru einsleitur flokkur fiska og eru þeir allir flatir. Flatfiskar eru bara með augu á annarri hliðinni, ungviðið er fyrst með eitt auga á hvorri hlið en þeir umbreytast fljótt. Flestir flatfiskar eru eindregnir botnfiskar og það á við um Sólflúruna. Hún heldur sig í sand og leirbotnum og fyrsta árið heldur hún sig á litlu dýpi, frá sjávarmáli niður á 50 m dýpi en þegar hún eldist fer hún niður á allt að 300 m dýpi. (ICES, www.ices.dk) Sólflúran er fremur smár flatfiskur, algeng stærð er 15 til 45 cm en getur orðið allt að 70 cm og hrygnan er iðulega stærri en hængurinn. Til eru dæmi um að sólflúra hafi náð 40 ára aldri og hún verður kynþroska fremur seint eða um 3 til 5 ára aldur. Hún er fremur langvaxin rauðbrún á framhlið og hvít á bakhlið.

Fæðan hennar er að mestu botnhryggleysingjar, t.d. burstaormar og smákrabbadýr og smáfiskar. Hún veiðir sér til matar á næturnar og hálf grefur sig í sandinn/leirinn yfir daginn. (FAO)

Sólflúran er mjög góður matfiskur og er oft á boðstólnum á betri veitingahúsum í Evrópu.

Heimkynni og hrygning

Sólflúran lifir í austur Atlandshafi frá suðurhluta Noregs til Senegal í Afríku, í nánast öllu Miðjarðarhafi og allt að suðvesturhluta Svarthafs (sjá mynd 3). Á veturnar leitar hún í hlýrri sjó í suðurhluta Norðursjávar. (FAO). Hún hefur aldrei fundist á Íslandsmiðum svo vísindilega staðfest sé en erlend skip hafa tilkynnt smá afla (Valtýsson, 2012).

Hrygnan hrygnir u.þ.b. 350.000 eggjum í 30m dýpi nálægt strandlengju. Hrygning og frjóvgun á sér stað í +10-15°c heitum sjó. Eggið klekst út á 7-8 dögum eftir frjóvgun. Seiði halda sig nokkurn veginn sér á sama svæði eftir að klak á sér stað. Merkingar a fiskum hafa ýtt undir þá tilgátu að Sólflúran leiti aftur og aftur á sama hrygningarsvæði (ICES, www.ices.dk).

Veiðar Þær þjóðir sem veiða einna mest af Sólflúru eru Hollendingar og Frakkar. Eins og sjá má á mynd 5 hér að neðan þá hefur veiðin undanfarin ár verið um 40 þús. tonn á heimsvísu (FAO). Við veiðar á Sólflúru er mest notuð botnvarpa en eitthvað er um að notast sé við net og þá sérstaklega meðfram strandlengjunni á hrygningartímum en þá leitar fiskurinn á grynnri svæði.

Staða stofnsins Samkvæmt ráðgjöf ICES frá 2012 varðandi helstu veiðisvæði í Norður Evrópu en utan Miðjarðarhafs virðist koma fram að veiðin sé í flestum tilvikum komin niður undir mörk sjálfbærni og þar sem hún er ekki kominn niður fyrir mörkin eins og t.d. í Norðursjó þá er hún aðeins rétt fyrir ofan viðmiðunarmörk en við dönsku innhöfin hefur hún oft farið undir mörk sjálfbærni og því um ofveiði að ræða(ICES, www.ices.dk, 2012).

Eins og fram kom hér að framan verður Sólflúran kynþroska á aldrinu 3 til 5 ára svo það má búast við að ástandið fari ekki batnandi.

Varðandi veiðar á sólflúru í Miðjarðarhafi virðist sem fiskveiðistjórnun í Miðjarðarhafinu sé ekki mjög góð og litlar upplýsingar að finna um stöðu stofnins. Þar sem þar er einnig verið að veiða frekar smáa fiska,bendir það til þess að þar sé stofninn kominn undir mörk sjálfbærni, eins og á öðrum svæðum þar sem Sólflúruna er að finna (Merigot, Letourneur, & Lecomte-Finiger, 2007)

Hér er rétt að geta þess að umhverfissamtökin “Green Peace” hafa sett Sólflúru á „ The RED LIST“ en þar fara tegundir sem þeir telja að séu í hættu af ofveiði . Samkvæmt þeirra heimildum þá er ástandið betra við Danmörku og vestur Ermasund en mun verra í Norðursjó, austur Ermasund og við írska hafið (http://www.greenpeace.org, 2005). Þetta virðist ekki vera í samræmi við þær upplýsingar, sem minnst var á hér að ofan, sem e.t.v. tengist mismunandi rannsóknaniðurstöðum og/eða heimildum. Hins vegar er ljóst að ekki er heppilegt að auka veiði á tegundum, sem “Greenpeace” telur vera í útrýmingarhættu vegna ýmissa aðgerða, sem þeir geta gripið til varðandi fiskmarkaði.

Niðurlag

Samkvæmt þeim gögnum, sem ég hef fundið, sé ég ekki ástæðu til að ætla að það sé arðbært að hefja veiðar á Sólflúru í samstarfi við erlenda aðila. Stofninn virðist búa við ofveiði en áður fyrr var algengt að veiða Sólflúru sem var yfir 20 ára gömul en nú veiðist mest af 2-4 ára gamalli Sólflúru og sjaldgæft að það veiðist Sólflúra sem náð hefur 10 ára aldri (ICES, www.ices.dk).

Heimildarskrá http://www.greenpeace.org. (2005). Sótt 30 janúar, 2013, from http://www.greenpeace.org: http://www.greenpeace.org/international/en/campaigns/oceans/seafood/red-list-of-species/ FAO. (n.d.). http://www.fao.org/. Sótt 30 janúar, 2013, frá http://www.fao.org/: http://www.fao.org/fishery/species/3367/en http://fishbase.org. (n.d.). Sótt 30 janúar, 2013, frá http://fishbase.org: http://fishbase.org/Summary/SpeciesSummary.php?ID=4247&AT=dover+sole# http://www.britannica.com. (n.d.). Sótt 30 janúar, 2013, frá http://www.britannica.com/: http://www.britannica.com/EBchecked/topic/170348/Dover-sole ICES. (2012). www.ices.dk. Sótt 4 febrúar, 2013, frá www.ices: http://www.ices.dk/committe/acom/comwork/report/asp/advice.asp?titlesearch=&Region=-1&Species=42&Period=316&submit1=Submit+Query&mode=2 ICES. (n.d.). www.ices.dk. Sótt 8 febrúar, 2013, frá www.ices.dk: http://www.ices.dk/marineworld/fishmap/ices/pdf/sole.pdf Merigot, B., Letourneur, Y., & Lecomte-Finiger, R. (2007, 1 maí). www.business.highbeam.com. Sótt 13 febrúar, 2013, frá www.business.highbeam.com: http://business.highbeam.com/437820/article-1G1-171792320/characterization-local-populations-common-sole-solea Hreiðar Þór Valtýsson. (2012). Flatfiskar. Akureyri.