Mehmet Ali Ağca
Mehmet Ali Ağca | |
|---|---|
 Mehmet Ali Ağca árið 2017. | |
| Fæddur | 9. janúar 1958 |
| Þjóðerni | Tyrkneskur |
| Samtök | Gráu úlfarnir (fyrrverandi) |
| Þekktur fyrir | Morðtilræðið gegn Jóhannesi Páli 2. páfa |
Mehmet Ali Ağca (fæddur þann 9. janúar 1958) er fyrrum meðlimur í tyrknesku fasistahreyfingunni Gráu úlfunum. Ağca er frægur fyrir að hafa skotið Jóhannes Pál páfa 2. á Péturstorginu í Róm þann 13. maí 1981. Páfi lifði tilræðið af og heimsótti Ağca síðar í fangelsi til að fyrirgefa honum.[1]
Eftir að hafa setið 19 ár í fangelsi á Ítalíu, og svo fimm ár til viðbótar í tyrknesku fangelsi fyrir morðið á ritstjóra vinstrisinnaðs dagblaðs, var Ağca látinn laus úr fangelsi á skilorði þann 12. janúar 2006. Hæstiréttur Tyrklands fyrirskipaði hins vegar þann 20. janúar sama ár að hann skyldi handtekinn aftur á þeim grundvelli að ekki væri hægt að draga dvöl hans í fangelsi á Ítalíu frá afplánun hans í Tyrklandi. Honum var endanlega sleppt úr fangelsi árið 2010.[2]
Tilvísanir
[breyta | breyta frumkóða]- ↑ „Agca lagði blóm við grafhvelfingu páfa“. RÚV. 27. desember 2014. Sótt 19. mars 2025.
- ↑ Óli Tynes (18. janúar 2010). „Tilræðismanni páfa sleppt úr fangelsi“. Vísir. Sótt 19. mars 2025.
