Skoða frumkóða fyrir Magnús Guðmundsson

{{Aðgreiningartengill1|Magnús Guðmundsson|[[Magnús Guðmundsson (bankastjóri)|Magnús Guðmundsson]] fyrrverandi bankastjóra Banque Havilland}}
[[Mynd:Magnús Guðmundsson.jpg|thumb|Magnús Guðmundsson.]]
'''Magnús Guðmundsson'''  ([[6. febrúar]] [[1879]], Rútsstöðum í [[Svínadalur|Svínadal]] — [[28. nóvember]] [[1937]]) var íslenskur [[stjórnmál]]amaður. 

==Ævi og störf==
Foreldrar Magnúsar voru Guðmundur Þorsteinsson (1847 — 1931) bóndi á Rútsstöðum og móðir hans var Björg Magnúsdóttir (1849 — 1920) húsmóðir.  Hann kvæntist [[12. október]] [[1907]] Sofiu Bogadóttur (1878 — 1948).  Þau áttu þrjú börn, Boga Smith, Björgu og Þóru. Hann varð stúdent frá [[Lærði skólinn|Lærða skólanum]] [[1902]] og lauk lögfræðiprófi frá [[Kaupmannahafnarháskóli|Hafnarháskóla]] 1907. Hann var þingmaður frá 1916 til dauðadags 1937.  Magnús var meðlimur í [[Íhaldsflokkurinn|Íhaldsflokknum]] og var síðar einn af stofnendum [[Sjálfstæðisflokkurinn|Sjálfstæðisflokksins]]. Hann var forsætisráðherra frá [[23. júní]] [[1926]] til [[6. júlí]] sama árs. Hann varð fjármálaráðherra þegar Sjálfstæðisflokkurinn tók þátt í ríkisstjórnarmyndun í fyrsta skipti.

Magnús Guðmundsson er einn örfárra íslenskra ráðherra sem sagt hefur af sér. Meðan [[Jónas frá Hriflu|Jónas Jónsson]], kenndur við Hriflu, var dómsmálaráðherra árið [[1932]] hóf hann málarekstur á hendur Magnúsi, sem þá var enn óbreyttur þingmaður en við það að setjast í stól dómsmálaráðherra að afloknum yfirvofandi stjórnarskiptum. Jónas sakaði Magnús um glæpsamlegt athæfi í sambandi við gjaldþrotaskipti á meðan hann sinnti lögmannsstörfum nokkrum árum áður. Flestir töldu ákæruna fráleita en [[Hermann Jónasson]], sem þá var lögreglustjóri í [[Reykjavík]] og æðsti dómari í höfuðstaðnum í undirrétti, gaf sér tíma frá alvarlegum átökum í borginni þann [[9. nóvember]] 1932 til að fara á skrifstofu sína og dæma Magnús Guðmundsson - sem þá var orðinn dómsmálaráðherra - í fangelsi. Dómsmálaráðherra í fangelsi var auðvitað óhugsandi og Magnús sagði af sér meðan málið var til meðferðar fyrir Hæstarétti. [[Ólafur Thors]] tók þá við sem ráðherra í hans stað í mánuð eða svo - en þá hafnaði Hæstiréttur með öllu dómi Hermanns Jónassonar og sýknaði Magnús af öllum ákærum.<ref>[http://timarit.is/view_page_init.jsp?pageId=4999803 Skutull, 51. Tölublað (30.12.1932), Blaðsíða 4]</ref>

Eftir að Magnús hafði verið sýknaður í Hæstarétti í desember 1932, var aðalfyrirsögn Morgunblaðsins á þessa leið: „Hæstiréttur sýknar Magnús Guðmundsson af öllum ákærum Hriflu-réttvísinnar.“  Fyrirsagnir Tímans voru þannig: „Stórkostlegt réttarhneyksli. Stjórnarskráin og hæstaréttarlögin þverbrotin af dómendunum sjálfum“.

== Tilvísanir ==
<references/>

==Tengill==
* [http://althingi.is/cv.php4?nfaerslunr=415 Upplýsingar um Magnús Guðmundsson á althingi.is]
* [http://www.timarit.is/?issueID=407692&pageSelected=2&lang=0 ''Magnús Guðmundsson andaðist á sunnudag''; grein í Morgunblaðinu 1937]
{{Töflubyrjun}}
{{Erfðatafla | fyrir=[[Sigurður Eggerz]] | titill=[[Fjármálaráðherrar á Íslandi|Fjármálaráðherra]] | frá=[[25. febrúar]] [[1920]] | til=[[7. mars]] [[1922]] | eftir=[[Magnús Jónsson (dósent)|Magnús Jónsson]]}}
{{Erfðatafla | fyrir=[[Jón Magnússon (f. 1859)|Jón Magnússon]] | titill=[[Forsætisráðherra Íslands]] | frá=[[23. júní]] [[1926]] | til=[[8. júlí]] [[1926]] | eftir=[[Jón Þorláksson (stjórnmálamaður)|Jón Þorláksson]]}}
{{Erfðatafla | fyrir='' '' | titill=[[Sjálfstæðisflokkurinn|Varaformaður Sjálfstæðisflokksins]] | frá=[[25. maí]] [[1929]] | til=[[3. júní]] [[1932]] | eftir=[[Ólafur Thors]]}}
{{Erfðatafla | fyrir=[[Ólafur Thors]] | titill=[[Sjálfstæðisflokkurinn|Varaformaður Sjálfstæðisflokksins]] | frá=[[2. október]] [[1934]] | til=[[28. nóvember]] [[1937]] | eftir=[[Pétur Magnússon]]}}
{{Töfluendir}}
{{Fjármálaráðherrar Íslands}}
{{Navboxes
| title = Ríkisstjórnir
| state = collapsed
| list  =
{{Ráðuneyti Ásgeirs Ásgeirssonar}}
{{Annað ráðuneyti Jóns Magnússonar}}
{{Þriðja ráðuneyti Jóns Magnússonar}}
{{Ráðuneyti Jóns Þorlákssonar}}
}}
[[Flokkur:Íslenskir stjórnmálamenn]]
[[Flokkur:Forsætisráðherrar Íslands]]
[[Flokkur:Fjármálaráðherrar Íslands]]
[[Flokkur:Atvinnumálaráðherrar Íslands]]
{{fd|1879|1937}}
[[Flokkur:Þingmenn Sjálfstæðisflokksins]]
[[Flokkur:Þingmenn Sparnaðarbandalagsins]]
[[Flokkur:Varaformenn Sjálfstæðisflokksins]]
[[Flokkur:Dómsmálaráðherrar Íslands]]