Laâyoune
Laâyoune (magrebarabíska: لعيون, Laʕyūn ; spænska: El-Aaiún; berbíska: Leɛyun; arabíska: العيون al-ʿuyūn, bókst. „uppspretturnar“) er stærsta borg Vestur-Sahara. Hún er 27°9´ norðlægrar breiddar og 13°12´ austlægrar lengdnar. Spánverjar gerðu hana að höfuðborg Spænsku Sahara árið 1940. Hún er núverandi höfuðstaður héraðsins Laâyoune-Boujdour-Sakia El Hamra undir marokkóskri stjórn. Marokkó hefur farið með stjórn borgarinnar frá því að þeir hernámu svæðið árið 1976. Samtökin Polisario líta á borgina sem hernumda höfuðborg sjálfstæðs ríkis í Vestur-Sahara. Íbúar eru tæplega 200 þúsund.
Áin Saguia el-Hamra skiptir borginni í tvennt. Í suðurhlutanum er gamli borgarhlutinn sem byggður var af Spánverjum á nýlendutímanum. Borgin er miðstöð fiskveiða og fosfornámuvinnslu á svæðinu.
