Jóhannes Gijsen

Jóhannes Mattías Gijsen (upphaflega Joannes Matthijs Gijsen) (f. 7. október 1932) er fyrrverandi biskup kaþólsku kirkjunnar á Íslandi.

Hann fæddist í Oeffelt í Hollandi og var vígður til prests 1957. Séra Jóhannes var skipaður biskup í Roermond í Hollandi 20. janúar 1972 og var síðar vígður af Páli páfa VI í Róm 13. febrúar 1972. Séra Jóhannes þótti harður í horn að taka af frjálslyndum kaþólikkum í Hollandi og átti í ýmsum útistöðum og deilum. Hann sagði af sér biskupsembættinu í Roermond 22. janúar 1993 og fékk titil biskups í Maastricht 3. apríl 1993 en var síðar skipaður stjórnandi biskupsdæmisins í Reykjavík 24. maí 1996. Hann gegndi svo embætti Reykjavíkurbiskups allt þar til Pétur Bürcher tók við 30. október 2007.