Yfirbótakirkja heilögu fjölskyldunnar

Sagrada Família að nóttu til, árið 2006

Temple Expiatori de la Sagrada Família (opinbera katalónska nafnið, spænska: Templo Expiatorio de la Sagrada Familia, „Yfirbótarkirkja heilögu fjölskyldunnar“), oft kölluð Sagrada Família í daglegu tali, er kaþólsk kirkja í Barselónu, Kataloníu, Spáni sem hefur verið í byggingu síðan 1882. Áætlað er að ljúka byggingu kirkjunnar árið 2026. Til stendur að opna hluta hennar fyrir almenning fyrir september 2010.

Kirkjan er talin meistaraverk katalónska arkitektsins Antoni Gaudí (1852–1926). Hönnunin og stærð kirkjunnar hafa gert hana að einum vinsælasta ferðamannastað í Barselónu og það hefur hún verið í mörg ár. Benedikt 16. páfi ætlar að helga kirkjuna og útnefna hana sem basilíku þann 7. nóvember 2010, þegar hann heimsækir Santiago de Compostela og Barselónu.

  Þessi grein er stubbur. Þú getur hjálpað til með því að bæta við greinina.