Öldungadeild Bandaríkjaþings

Öldungadeild Bandaríkjaþings fundar í bandaríska þinghúsinu í Washingtonborg.

Öldungadeild Bandaríkjaþings (enska: United States Senate) er efri deild Bandaríkjaþings, en neðri deild þess er fulltrúadeild Bandaríkjaþings.

Í öldungadeildinni sitja tveir öldungadeildarþingmenn frá hverju fylki Bandaríkjanna óháð íbúafjölda fylkisins. Þar sem fylki Bandaríkjanna eru fimmtíu, sitja hundrað þingmenn í öldungadeildinni. Hver þingmaður situr í sex ár en kosið er um þriðjung þingsæta (einn „klasa“) annað hvert ár. Varaforseti Bandaríkjanna er deildarforseti en er ekki sjálfur öldungadeildarþingmaður og tekur ekki þátt í kosningum nema til að leysa úr jafntefli. Varaforsetinn sinnir þó sjaldan hlutverki deildarforseta nema við hátíðleg tækifæri eða til að leysa úr jafntefli í kosningum. Í fjarveru hans sinnir varaforseti öldungadeildar Bandaríkjaþings starfi hans.

  Þessi grein er stubbur. Þú getur hjálpað til með því að bæta við greinina.