DDT skordýraeitur (hljómsveit)

Pönksveitin DDT skordýraeitur er bílskúrsband sem var stofnuð á haustmánuðum 2015 af Sir Arnari Guðmundssyni, Ágústi Inga Ágústssyni, Pjetri St. Arasyni og Þorvarði Sigurbjörnssyni. Hennar aðalsmerki er að skemmta sér og eingöngu sér. Bandið hefur samið um 13 lög sem hafa aldrei áður né seinna komið út og er væntanleg breiðskífa bandsins ekki á planinu. Flest öll lögin er samin í engri tóntegund og eru textarnir yfirleitt eftir einhverja. Bandið hefur víða komið fram og til að mynda var það næstum því búið að spila í evróputúrnum sem verður á næsta leyti. Bandið skipa Sir G. Arnar Guðmundsson Heiðmann - söngur og gítar, Þorvarður Sigurbjörnsson - söngur og bassi, Pjetur St. Arason - söngur ásamt nokkrum gíturum, Ágúst Ingi Ágústsson - brandarar og margar trommur

Í byrjun desember 2017 fór pönksveitin í hljóðver og hljóðritaði fimm lög sem gefin voru út á spotify 29. des. 2017. Lögin sem voru fyrir valinu eru: Svarta ekkjan, Tinder, Götubarn, Bless Aleppo og klæddu þig úr gervi. Sveitn hélt jafnfram útgáfutónleika í Egilsbúð þennan sama dag. Þess má jafnframt geta að sveitin hélt sína fyrstu tónleika 18. nóv. þar sem aðdáendur fengu að borga við innganginn, á þessa tónleika mættu 30 manns. Yfirskrift tónleikana var "Lokatónleikar DDT-skordýraeiturs" og var tilefnið lokun Oddsskarðsganga.

Árið 2018 mun sveitin koma fram á tónleikum á Gauk á stöng ásamt Saktmóðugi í febrúar og svo mun hún líka vera á alþjóða þungarokkshátíðinni Eistnaflugi í Neskaupstað í júlí.