Kerecis
| Kerecis | |
 | |
| Rekstrarform | Dótturfyrirtæki |
|---|---|
| Stofnað | 2010 |
| Stofnandi | Guðmundur Fertram Sigurjónsson |
| Staðsetning | Ísafirði, Ísland |
| Tekjur | 190 milljónir USD (2024) |
| Móðurfyrirtæki | Coloplast |
| Starfsfólk | 630 (2025) |
| Vefsíða | https://kerecis.com |
Kerecis er íslenskt líftæknifyrirtæki sem sérhæfir sig í þróun og framleiðslu á lækningavörum úr þorskroði. Fyrirtækið var stofnað árið 2010 á Ísafirði af Fertram Sigurjónssyni. Kerecis nýtir afskorið þorskroð sem líffræðilegt ígræðsluefni til meðferðar á þrálátum sárum, brunasárum og í skurðaðgerðum. Roðið stuðlar að endurheimt vefja og hefur þann kost að vera líffræðilega mjög líkt mannshúð.
Fyrirtækið hefur vaxið hratt og starfar nú á alþjóðavísu með höfuðstöðvar á Íslandi, skrifstofur í Bandaríkjunum og Þýskalandi, auk dótturfélaga í Sviss. Kerecis hefur hlotið viðurkenningar fyrir nýsköpun og er talið fyrsti íslenski "einyrningurinn".
Árið 2025 hafði fyrirtækið yfir 600 starfsmenn og vörur þess eru notaðar í sjúkrahúsum og í heilsugæslum víða um heim. Kerecis er talið hafa lagt mikið fram til þróunar á líftæknilausnum sem byggja á sjálfbærri nýtingu sjávarafurða.
Saga
[breyta | breyta frumkóða]
Guðmundur Fertram Sigurjónsson tók eftir árið 2009 að þorskroð hefði eiginleika sem líkust eru mannshúð og gæti flýtt fyrir endurmyndun hennar, sérstaklega í bráðum eða langvinnum sárum.[1][2]
Fiskhúð Kerecis Omega-3 hlaut FDA samþykki árið 2013 til meðferðar á bráðum og langvinnum sárum.[3][4][5] Í Evrópu var Omega-3 Wound fyrst CE-merkt árið 2012.[6]
Árið 2016 fékk Omega3 Wound, fiskhúðarmeðferð þróuð af Kerecis, samþykki Matvæla- og lyfjastofnunar Bandaríkjanna (FDA).[4][5] Sama ár setti Kerecis upp bandarískar höfuðstöðvar í Arlington í Virginía.[7]
Árið 2019 keypti Kerecis hið svissneska líftæknifyrirtæki Phytoceuticals AG sem síðar tók upp nafnið Kerecis AG.[7] Sama ár keypti Emerson Collective hlut í Kerecis.[8][9]
Árið 2020 hlaut Kerecis Vaxtarsprotaverðlaunin, sem veitt eru af Samtökum iðnaðarins, Samtökum sprotafyrirtækja, Rannís og Háskólanum í Reykjavík.[10]
Árið 2021 samþykkti FDA Kerecis Omega3 SurgiBind, fiskhúð til skurðaðgerða sem nýtist í lýta- og enduruppbyggingaraðgerðum.[11]
Fyrirtækið var metið á meira en 100 milljónir evra árið 2021.[12] Kerecis vinnur einnig að læknisfræðilegum rannsóknum með bandaríska hernum og útvegar grafta til ýmissa herdeilda.[1][13]
Í ágúst 2022 aflaði Kerecis sér 100 milljóna dala fjármögnunar frá fjárfestum, þar á meðal Kirkbi, fjárfestingarfélagi Christiansen-fjölskyldunnar sem stofnaði Lego Group. Fjármögnunin mat fyrirtækið á 620 milljónir dala.[14]
Árið 2023 var Kerecis keypt af danska heilbrigðisfyrirtækinu Coloplast fyrir 1,3 milljarða Bandaríkjadala. Með kaupunum styrkti Coloplast stöðu sína á markaði fyrir háþróaða sárameðferð og Kerecis varð dótturfélag þess.
Tilvísanir
[breyta | breyta frumkóða]- 1 2 „Dans le poisson islandais, rien ne se perd, tout se transforme“. Le Monde. 16 október 2021.
- ↑ „Biotech Company Kerecis to Be Listed Abroad“. Iceland Monitor.
- ↑ „Using Fish Skin to Heal Wounds“. Iceland Monitor.
- 1 2 „Fish Skin for Human Wounds: Iceland's Pioneering Treatment“. Bloomberg Businessweek.
- 1 2 „Alaska's seafood industry by the numbers, plus fish skin's medical applications and antibiotics in Chilean salmon“. Anchorage Daily News.
- ↑ „Kerecis Ltd. :: Medtech Insight“.
- 1 2 Lake, Sydney (25 janúar 2021). „Arlington biotech company names CFO“.
- ↑ „Ólafur Ragnar í stjórn Kerecis“. Fréttablaðið.
- ↑ „Emerson Collective eignast hlut i Kerecis“. Fréttablaðið.
- ↑ „Kerecis valið Vaxtarsproti ársins“. Morgunblaðið.
- ↑ „FDA Approves Kerecis' Implantable Fish-Skin Product“. Iceland Monitor.
- ↑ „Dans le poisson islandais, rien ne se perd, tout se transforme“. 16 október 2021 – gegnum Le Monde.
- ↑ Torrance, Jack (24 júní 2018). „Iceland: From crisis to hotspot, 10 years on from the financial crisis“. The Telegraph.
- ↑ „Lego Billionaires Invest in Fish-Skin Biotech From Iceland“. Bloomberg.