Köllunarklettur

Úr Wikipediu, frjálsa alfræðiritinu
Jump to navigation Jump to search

Köllunarklettur er allstór, dökkmóleitur og þversprunginn klettur sem gnæfir yfir Sundahöfn, yfir gatnamótum Sundagarða og Vatnagarða rétt hjá Kleppi. Kletturinn dregur nafn sitt af því að þaðan var kallað eftir bát til frá Viðey. Áður en landfyllingar voru gerðar vegna hafnarinnar, stóð hann fram í sjó. Köllunarklettsvegur heitir eftir honum.

Í febrúar 1949 strandaði olíuskipið Glam við Köllunarklett. Það lá við akkeri í Laugarnesi og var verið að dæla olíu í geyma Olíuverslunar Íslands þar þegar skipið slitnaði upp í ofsaroki og rak til lands og skemmdist. Dráttarbátur frá Hull í Bretlandi var fenginn til að draga skipið til Cardiff en svo fór að skipið slitnaði frá dráttarbátnum og fórst við Reykjanes 28. febrúar 1949. [1]

Tilvísanir[breyta | breyta frumkóða]

  1. Fálkinn, 15. tölublað 17.04.1963 bls. 10

Heimild[breyta | breyta frumkóða]

Vísindavefurinn:Hvar var Köllunarklettur?

  Þessi landafræðigrein sem tengist Reykjavík er stubbur. Þú getur hjálpað til með því að bæta við greinina.