Iðntölva
Iðntölva (e. programmable logic controller, PLC) er sérhæfð tölvueining til að stjórna búnaði eða vélum í framleiðsluferli. Dick Morley er talinn upphafsmaður iðntölvunnar þar sem hann hannaði fyrstu iðntölvuna, Modicon 084, fyrir General Motors árið 1968.[1]
Iðntölvur geta verið allt frá litlum færanlegum tækjum með tugum inntak og úttaka, í sömu einingu og örgjörvinn, yfir í stórar tölvur í tölvuskápum sem hafa þúsundir inntaka og úttaka, og eru oft tengdar við aðrar iðntölvur og SCADA-kerfi.[2]
Iðntölvur eru gjarnan hluti af stærri stýrirás sem oftast inniheldur segulliða til að stjórna kraftrásum og öðrum búnaði fyrir sendingu og móttöku merkja (til dæmis takkaborði, stöðvunarhnappi og gaumljósum). Það fer eftir framleiðanda og gerð iðntölvu hvaða forritunarmál eru notuð í þeim, en til eru iðntölvur forritaðar með C++, ladder og python, sem dæmi. Sumar iðntölvur er hægt að forrita með mörgum mismunandi forritunarmálum.
Heimildir
[breyta | breyta frumkóða]- ↑ Dunn, Alison (12 júní 2009). „The Father of Invention: Dick Morley Looks Back on the 40th Anniversary of the PLC“. Manufacturing Automation. Sótt 23 febrúar 2020.
- ↑ Tubbs, Stephen Phillip (2018). Programmable Logic Controller (PLC) Tutorial, Siemens Simatic S7-1200 (3. útgáfa). Publicis MCD Werbeagentur GmbH.
- Fyrirmynd greinarinnar var „Programmable logic controller“ á ensku útgáfu Wikipedia. Sótt 24. apríl 2022.