Skoða frumkóða fyrir Hörða-Knútur

{{sjá|Hörðaknútur|Knút 1|Knút 3}}

[[Mynd:Hardeknut.jpg|thumb|right|Hörða-Knútur.]]
'''Hörða-Knútur''' eða '''Knútur 3. Danakonungur''' ([[danska]]: ''Hardeknud''; [[fornenska]]: ''Harthacnut'') ([[1018]] – [[8. júní]] [[1042]]) var sonur [[Knútur ríki|Knúts ríka]] Danakonungs og Emmu konu hans. Sjálfur var hann konungur Danmerkur [[1035]]-[[1042]] og Englands [[1040]]-[[1042]].

Hörða-Knútur tók við ríki í Danmörku þegar faðir hans lést á Englandi [[12. nóvember]] 1035. Englendingar völdu þegar [[Haraldur hérafótur|Harald hérafót]], óskilgetinn hálfbróður Hörða-Knúts, sem ríkisstjóra yfir sér. Norðmenn neituðu aftur á móti að hafa [[Sveinn Alfífuson|Svein Alfífuson]], annan óskilgetin son Knúts ríka, sem konung yfir sér lengur og völdu [[Magnús góði|Magnús góða]] í hans stað. Hörða-Knútur gerði bandalag við Magnús og var ákveðið að sá þeirra sem lifði lengur skyldi erfa bæði Danmörku og Noreg.

Þegar fregnir bárust af því að Haraldur hérafótur hefði látið kjósa sig til konungs í Englandi. Hörða-Knútur taldi það svik af hálfu hans en fékk þó lítið að gert fyrst í stað. Árið [[1039]] taldi hann sig þó svo traustan í sessi að hann ákvað að sigla til Englands og freista þess að ná kórónunni af hálfbróður sínum. Hann sigldi með 63 skip til [[Brügge]], þar sem móðir hans var, en henni hafði verið vísað úr landi á Englandi. Á meðan hann dvaldist þar bárust fregnir af því að Haraldur hérafótur hefði látist [[17. mars]] [[1040]]. Hörða-Knúti var boðin kórónan og sigldi hann til Englands og gerðist konungur þar. Í Englandi er hans helst minnst fyrir að hækka skatta til að geta greitt kostnaðinn við herflota sinn.

Hörða-Knútur dó óvænt í brúðkaupsveislu árið 1042 og var þá aðeins 23-24 ára. Hann var ókvæntur og barnlaus en ári áður en hann lést hafði hann kallað eldri hálfbróður sinn, [[Játvarður góði|Játvarð]] son Emmu og [[Aðalráður ráðlausi|Aðalráðs ráðlausa]], fyrri manns hennar, til Englands og útnefnt hann arftaka sinn.

== Heimildir ==
* {{wpheimild | tungumál = Da | titill = Hardeknud | mánuðurskoðað = 16. febrúar | árskoðað = 2010}}

{{töflubyrjun}}
{{erfðatafla
| titill = [[Konungur Englands]]
| frá = 1040
| til = 1042
| fyrir = [[Haraldur hérafótur]]
| eftir = [[Játvarður góði]]
}}
{{erfðatafla
| titill = [[Konungur Danmerkur]]
| frá = 1035
| til = 1042
| fyrir = [[Knútur ríki]]
| eftir = [[Magnús góði]]
}}
{{Töfluendir}}
{{fd|1018|1042}}
{{Einvaldar Danmerkur}}
{{Enskir, skoskir og breskir einvaldar}}
[[Flokkur:Konungar Englands]]
[[Flokkur:Danakonungar]]