Horn (rúmfræði)
Horn er í evklíðskri rúmfræði þegar tveir geislar í sama fleti mætast í sama punkti sem nefnist oddpunktur. Stærð horna er oftast gefin upp sem bogmál sem mælir fjarlægðina milli geislanna á hring með miðju í oddpunktinum í gráðum.
Engin ein almennt viðurkennd skilgreining á horni er til. Hægt er að skilgreina fyrirbærið horn í tilteknu samhengi, en erfitt er að búa til skilgreiningu sem gildir í hvaða samhengi sem er.[1] Ein skilgreining er að horn sé rúmmynd þar sem tveir geislar á fleti deila sama endapunkti. Hornið getur verið skilgreint sem kverkin milli geislanna, flöturinn milli geislanna, eða snúningsmagnið á milli þeirra.
Ef armar horns eru gagnstæðar línur, er hornið nefnt „beint horn“. Ef armarnir liggja saman er hornið kallað „núllhorn“.[2]
Almennt séð myndast horn þar sem tvö línustrik mætast, eins og við horn þríhyrninga og annarra marghyrninga. Þar sem tveir fletir eða ferlar mætast er hornið milli tveggja snertla ferlanna í skurðpunktinum.[3]
Tilvísanir
[breyta | breyta frumkóða]- ↑ Henderson (2020). Experiencing Geometry- Euclildian and non-Euclidian With History. Pearson Prentice Hall. ISBN 978-1-4297-9985-0.
- ↑ Jóhann Sigurðsson (08/2011). „Horn“. Stæ.is.
- ↑ Chisholm, Hugh, ritstjóri (1911). „Angle“. Encyclopædia Britannica. 2. bindi (11. útgáfa). Cambridge University Press. bls. 14.
