Gulusóttarfaraldur í Buenos Aires

Úr Wikipediu, frjálsa alfræðiritinu
Jump to navigation Jump to search
Olíumálverk á striga af gulusóttartilfelli í Buenos Aires (1871) eftir Juan Manuel Blanes.

Gulusóttarfaraldur í Buenos Aires var röð af faröldrum af gulusótt sem gengu yfir árin 1852, 1858, 1870 og 1871 í borginni Buenos Aires í Argentínu. Í síðasta og versta faraldrinum dó um 8% borgarabúa og dagleg dánartala í borginni sem var vanalega minni en 20 fór suma daga yfir 500. Gula barst til borgarinnar frá  Asunción í Paraguay með argentínskum hermönnum sem höfðu tekið þátt í stríðsátökum þar þegar þeir sneru til baka. Áður hafði sóttin breiðst út í borginni Corrientes. Þegar sóttin var í hámarki þá fækkaði íbúum í Buenos Aires niður í þriðjung af því sem áður var vegna þess að mikill flótti brast á og margir yfirgáfu borgina.

Tengill[breyta | breyta frumkóða]