Gene Hackman
Gene Hackman | |
|---|---|
 Gene Hackman 21. júní 2008. | |
| Fæddur | Eugene Allen Hackman 30. janúar 1930 San Bernardino, Kalifornía, Bandaríkin |
| Dáinn | 18. febrúar 2025 (95 ára) Santa Fe, Nýja Mexíkó, Bandaríkin |
| Störf | Leikari |
| Ár virkur | 1959–2004 |
| Maki |
|
| Börn | 3 |
Eugene Allen Hackman, þekktur sem Gene Hackman, (fæddur 30. janúar 1930, dáinn ca. 18. febrúar 2025) var bandarískur kvikmyndaleikari.[1]
Hackman hlaut tvenn Óskarsverðlaun, annars vegar sem besti leikarinn fyrir hlutverk sitt sem Jimmy „Popeye“ Doyle í hasarspennumynd William Friedkins The French Connection (1971) og hins vegar fyrir bestan leik í aukahlutverki fyrir hlutverk sitt sem löggæslumaður í Unforgiven (1992). Hann var tilnefndur til Óskarsverðlauna fyrir hlutverk sín sem Buck Barrow í glæpasmyndinni Bonnie and Clyde (1967), háskólaprófessor í dramanu I Never Sang for My Father (1970), og FBI lögreglumaður í dramanu Mississippi Burning (1988).[2]
Hackman öðlaðist frekari frægð fyrir túlkun sína á Lex Luthor í Superman (1978) og framhaldinu Superman II (1980). Hann lék einnig í The Poseidon Adventure (1972), Scarecrow (1973), The Conversation (1974), A Bridge Too Far (1977), Under Fire (1983), Power (1986), Loose Cannons (1990), The Firm (1993), The Quick and the Dead (1995), The Birdcage (1996), Enemy of the State (1998), Behind Enemy Lines (2001) og Runaway Jury (2003). Hann hætti að leika eftir að hafa leikið í Welcome to Mooseport (2004).[2]
Andlát
[breyta | breyta frumkóða]Hackman fannst látinn ásamt eiginkonu sinni, Betsy Arakawa, og hundi þeirra hjóna á heimili þeirra í Santa Fe í Nýju Mexíkó þann 26. febrúar 2025.[3] Samkvæmt lögreglu sáust þau síðast á lífi um tveimur vikum áður.[4] Talið er að Arakawa hafi látist í kringum 11. febrúar af völdum hantaveirunnar og að Hackman, sem þjáðist af Alzheimer-sjúkdómnum, hafi látist viku seinna af völdum hjartasjúkdóms.[5]
Tilvísanir
[breyta | breyta frumkóða]- ↑ „Gene Hackman and wife Betsy Arakawa died of natural causes several days apart, officials say“. www.bbc.com (bresk enska). 7. mars 2025. Sótt 8. mars 2025.
- ↑ 2,0 2,1 Paul Glynn (27 febrúar 2025). „Gene Hackman: Hollywood legend dies aged 95“ (bresk enska). BBC. Sótt 27 febrúar 2025.
- ↑ Lex Harvey (27 febrúar 2025). „Actor Gene Hackman and his wife Betsy Arakawa found dead in their New Mexico home, police say“ (enska). CNN. Sótt 27 febrúar 2025.
- ↑ Samúel Karl Ólason (27 febrúar 2025). „Lögreglan lýsir dauða Hackman og konu hans sem „grunsamlegum"“. visir.is. Sótt 28 febrúar 2025.
- ↑ „Létust af náttúrulegum orsökum með viku millibili“. Morgunblaðið. 7. mars 2025. Sótt 8. mars 2025.