Frúardagur

Frúardagur er annað tveggja leikfélaga Menntaskólans í Reykjavík. Leikfélagið var stofnað árið 2010 og hefur frá árinu 2014 sett upp söngleik að hausti til sem nemendur skólans koma að. Leikfélagið heyrir undir nemendafélagið Framtíðina, annað tveggja nemendafélaga skólans.

Saga félagsins

Frúardagur var stofnað árið 2010 eftir að stofnmeðlimirnir Arnór Gunnar Gunnarsson og Birnir Jón Sigurðsson komust hvorugir í leikhóp eina leikfélags skólans, Herranætur. Nafn félagsins er hugsað sem andstæða við nafn Herranætur. Starfsemi félagsins var í fyrstu í litlum sniðum og meira í gríni gerð en alvöru.

Eftir að Arnór og Birnir útskrifuðust úr skólanum lá starfsemi félagsins niðri þangað til að hópur nemenda endurvakti félagið árið 2014 með það að markmiði að efla leikhúslíf MR-inga og bjóða upp vettvang fyrir leiklist, tónlist, dans og myndlist. Um haustið sama ár setti Frúardagur svo upp sína fyrstu stórsýningu þegar leikfélagið setti upp söngleikinn Leg eftir Hugleik Dagsson. Leikstjórar voru stofnmeðlimirnir Arnór Gunnar og Birnir Jón en að sýningunni komu hátt í 70 nemendur skólans. Leg var sett upp í Gaflaraleikhúsinu í Hafnarfirði og fékk sýningin stórgóðar móttökur en uppselt var á allar fimm sýningarnar. Formaður Frúardags skólaárið 2014-15 var Jóhanna Embla O Þorsteinsdóttir.

Velgegni og vinsældir fyrstu sýningarinnar gáfu leikfélaginu byr undir báða vængi og hefur Frúardagur sett upp leiksýningu á hverju ári síðan, að 2020 undantöldu vegna heimsfaraldursins.

Uppsetningar

Uppsetning	Ár	Leikstjórn	Höfundur	Sýningarstaður
Leg	2014	Arnór Gunnar Gunnarsson og Birnir Jón Sigurðsson	Hugleikur Dagsson	Gaflaraleikhúsið
Ástin er diskó, lífið er pönk	2015	Eva Halldóra Guðmundsdóttir og Guðmundur Felixson	Hallgrímur Helgason	Bæjarbíó
High School Musical	2016	Jóhann Kristófer Stefánsson og Sigurbjartur Sturla Atlason	Peter Barsocchini	Gaflaraleikhúsið
Forðist okkur	2017	Kolfinna Nikulásdóttir og Steiney Skúladóttir	Hugleikur Dagsson	Garðatorg 1
Mean Boys	2018	Alma Mjöll Ólafsdóttir og Matthías Tryggvi Haraldsson	Leikhópur	Suðurströnd 2
Bachelorið	2019	Snæfríður Sól Gunnarsdóttir	Leikhópur	Dansverkstæðið Hjarðarhaga 47
Drepfyndið	2020	Fjölnir Gíslason	Fjölnir Gíslason, leikhópur	*Ekki sýnt vegna Covid
Dead Poets Society	2021	Bjarki Björnsson og Jón Ólafur Hannesson	Bjarki Börnsson, Jón Ólafur Hannesson og leikhópur	Harpan
Koppafeyti	2022	Bjartur Örn Bachman		Gamla Bíó
Músagildran	2023	Rebekka Magnúsdóttir	Agatha Christie	Gamla Bíó
Rocky Horror Show	2024	Berta Sigríðardóttir	Richard O'Brien	Gamla Bíó

Tenglar

• Frúardagur á Twitter

Tengt efni

• Herranótt – Hitt leikfélag Menntaskólans í Reykjavík