Fasteignafélagið Þórkatla
Fasteignafélagið Þórkatla ehf. er einkahlutafélag í eigu íslenska ríkisins sem hefur þann tilgang að kaupa, sjá um og ráðstafa fasteignum í Grindavík vegna hættuástands í bænum vegna eldgosanna við Sundhnúksgíga. Félagið var stofnað samkvæmt heimild í lögum um kaup á íbúðarhúsnæði í Grindavík[1] sem samþykkt voru á Alþingi 28. febrúar 2024 en frumvarp laganna var samþykkt í ríkisstjórn þann 9. febrúar.[2] Samkvæmt lögunum stóð eigendum íbúðarhúsnæðis í Grindavík til boða að selja félaginu eignir sínar á verði sem miðast við 95% af brunabótamati þeirri. Í lok júní 2024 höfðu 900 umsóknir borist félaginu um kaup á íbúðarhúsnæði í Grindavík og gengið hafði verið frá 740 kaupsamningum.[3]
Vísanir
[breyta | breyta frumkóða]- ↑ Lög nr. 16/2024 um kaup á íbúðarhúsnæði í Grindavík
- ↑ „Fasteignir Grindvíkinga verði keyptar á verði sem nemur 95% af brunabótamati“. Víkurfréttir. 9.2.2024.
- ↑ Árni Sæberg (28.6.2024). „Þórkatla tekið við 400 eignum“. Vísir.
