Elfa Rún Kristinsdóttir

Elfa Rún Kristinsdóttir (fædd 1985) er íslenskur fiðluleikari. Hún hefur hlotið margvíslegar viðurkenningar fyrir leik sinn, þar með talin Íslensku tónlistarverðlaunin í flokkinum hljómplata ársins í sígildri og samtímatónlist fyrir upptöku sína af fantasíum Georgs Philipps Telemann. Elfa Rún bar sigur úr býtum í alþjóðlegu Bach-keppninni í Leipzig 2006, þar sem hún vann bæði aðalverðlaun, áheyrendaverðlaun og verðlaun fyrir að vera yngsti keppandinn í úrslitunum. Elfa Rún er leiðari í kammersveitinni Soloistenensemble Kaleidoskop í Berlín, en hefur einnig gefið sig að flutningi barokktónlistar undir merkjum upprunaflutnings og komið fram sem einleikari og leiðari með barokksveitinni Akademie für Alte Musik í Berlín. Elfa Rún var tilnefnd til Tónlistarverðlauna Norðurlandaráðs 2015.