Dolores O'Riordan

O'Riordan (2012).

Dolores Mary Eileen O'Riordan (fædd 6. september 1971 í Ballybricken, Limerick-sýslu – látin 15. janúar 2018 í London) var írsk söng- og tónlistarkona sem þekktust var sem söngkona hljómsveitarinnar The Cranberries. Dolores var yngst sjö systkina og ólst upp í Limerick þar sem hún lærði á píanó og söng í kirkjukór.

O'Riordan átti síðar sólóferil eftir að Cranberries hættu og gaf hún út tvær plötur. Einnig var í hljómsveitinni D.A.R.K. með bassaleikara The Smiths, Andy Rourke.

Árið 1994 giftist O'Riordan Don Burton, fyrrum tónleikaskipuleggjanda Duran Duran. Þau eignuðust 3 börn saman en skildu árið 2014. O'Riordan greindi frá því árið 2017 að hún hafði verið greind með geðhvörf en hún hafði líka glímt við lystarstol. Í janúar árið 2018 lést O'Riordan en hún hafði verið við upptökur í London með Cranberries. Hún hafði drukknað af slysförum í baði eftir að hafa drukkið ótæpilega.

Sólóskífur

• Are You Listening? (2007)
• No Baggage (2009)