Diegó (köttur)

Diegó er íslenskur köttur sem fór að vekja talsverða athygli og rataði oft í fréttirnar eftir að hann fór að venja komur sínar í verslanir í Skeifunni í Reykjavík.

Í nóvember 2022 varð Diegó fyrir bíl og þurfti að gangast undir aðgerðir í kjölfarið. Blásið var til söfnunar til að standa straum af kostnaði sem hlaust við það og söfnuðust rúmlega 400 þúsund krónum í henni.

Í nóvember 2024 rataði hann í fréttirnar eftir að hafa verið numinn á brott úr verslun A4 í Skeifunni. Hann fannst aftur um einum og hálfum sólahring seinna hjá þriðja aðila sem hafði fengið hann að gjöf frá einstaklingnum sem hafði numið hann á brott.